Bul nysan Qazaqstan bylai tursyn Aziia qurlyǵynda balamasy joq, Halyqaralyq talaptarǵa sai sport kesheni qurlysy ótken jyldyń kóktem aiynda bastalǵan. Jospar boiynsha el igiligine aǵymdaǵy jyldyń aiaǵynda berilmek. Jumys sátimen aiaqtalyp, basseiin iske qosylsa, álem deńgeiindegi jarystar uiymdastyrylmaq. Sonymen qatar sý sportynyń birneshe túri damyp, jergilikti jastar arasynda Olimpiada júldegerleri shyǵady dep kútilýde.
Ǵimarattyń qurylys jumystaryn júrgizýge Taldyqorǵan qalasy ákimdiginen aýmaǵy 3,8 ga quraityn jer bólingen. Qazir bul aimaq úlken qurylys alańyna ainalǵan.
Sport nysanynyń boi kóterýine jaýapty "Bazis Konstrakshin" seriktestigi. Merdiger kompaniia buǵan deiin "Almaty-Arena", Nurly-taý biznes ortalyqtaryn salǵan. Záýlim sý basseiini keleshekte Taldyqorannyń ǵana emes búkil Qazaqstan halqynyń maqtanyshyna ainalady
Jalpy joba quny - 11,0 mlrd. teńgeni quraidy. Basseinniń syrtqy kórinsi balyq silýetine uqsaidy. Nysannyń jalpy aýdany 13069,88 myń sharshy metrden turady. Barlyǵy 570 oryndyqqa arnalǵan.
Josparǵa sáikes, nysannyń 2 qabaty jáne jertólesi bar. 2 halyqaralyq standartqa sai bassein bolady. Birinshisiniń eni 25, uzyndyǵy 52 metrge sozylmaq. Ol sýǵa júzý jarysyna negizdelgen. Al, ekinshinde 5-ten 10 metrlik biiktikten atletter sýǵa sekirip, úzdikterin anyqtamaq. Sonymen qatar áýesqoilar men balalarǵa arnalǵan bassein de qarastyrylǵan. Ústińgi qabatta 7 sport zal bolady.
Atalǵan keshende sporttyq qurylymdardan ózge ashana, jattyǵý zaly bolady. Iaǵni sportshyǵa qajet barlyq jaǵdai qarastyrylǵan. Jobany ázirleý kezinde onyń kóp fýnktsiialyǵyna, yńǵailyǵyna da, estetikalyq kelbetine de kóp kóńil bólingen.
Búginde qurylys jumystarynyń 70 paiyzy aiaqtalǵan. Keshenniń salynýyna paidalanylyp jatqan materialdar - otandyq ónimder. Sýda júzý orny qoldanysqa berilgennen keiin, turǵyndar osy nysanda bos ýaqyttaryn ótkizip, aýqymdy sporttyq saiystardy tamashalaýǵa múmkindik týady.
Aita keteiik, sport kesheni qoldanysqa beriler bolsa, sýǵa júzý men qatar vaterbol iaǵni sý doby, úilesken sýdaǵy bi túrleri dami túsedi. Taǵy bir tiimdiligi kóptegen jumys orny ashylyp, bilikti mamandar tartylmaq.
Anar SABYROVA
