Taldyqorǵan qalasynda ótken jyly 13 jastaǵy qyz Telegram arqyly tanysqan adamǵa aldanyp qalǵan, dep habarlaidy Dalanews.kz.
Oqiǵa ótken jyldyń jazynda bolǵan. Qyz qurbysynyń keńesimen tanysýǵa arnalǵan Telegram-botqa tirkelip, ózin 15 jastamyn dep tanystyrǵan adammen sóilese bastaǵan. Biraz ýaqyt hat jazysqannan keiin ol qyzdan video surap, ár minýtyna 2500–3000 teńge tóleitinin aitqan. Alǵashynda kelispegen oqýshy qurbysynyń úgitinen keiin kelisim bergen.
Keiin álgi adam kezdesýdi usynǵan. Qyzdar kórsetilgen mekenjaiǵa barǵanda, olardy eresek er adam qarsy alǵan. Qyzdardyń bireýimen jeke qalǵan ol zorlyq sipatyndaǵy áreketter jasaǵan. Oqiǵadan keiin ol qyzdarǵa aqsha berip, azyq-túlik satyp alyp berip, úilerine jibergen.
Osydan soń jábirlenýshige ózin kúdiktiniń jubaiymyn dep tanystyrǵan áiel habarlasyp, hat habarlardy óshirýdi talap etken. Qyz qorqyp, jazbalardy joiǵan. Alaida er adam bailanysyn toqtatpai, kelesi kúni taǵy kezdesken. Ekinshi kezdesýde de ol zańsyz áreketter jasap, shamamen 10 myń teńge bergen.
Ekinshi kezdesýden keiin qyz kúdiktini buǵattaǵan. Alaida qurbysy onyń ótkenin jariialaimyn dep bopsalai bastaǵan. Qoryqqan oqýshy bárin jigitine aityp bergen. Keiin ol bul týraly qyzdyń anasyna jetkizgen.
Anasy politsiiaǵa aryz jazǵan.
Bul derek boiynsha Qylmystyq kodekstiń 122-baby boiynsha is qozǵaldy. Jaqyndarynyń aitýynsha, jábirlenýshi keiin kúdiktilerdi aqtaý úshin kórsetýlerin ózgertken.
Politsiia departamenti sotqa deiingi tergeý aiaqtalǵanyn habarlady. Qylmystyq is materialdary taraptarǵa tanysý úshin berilgen. Kúdikti qamaýda otyr. Ózge málimetter jariia etilmeidi.
