Qazir kýrerlik men taksishylyq halyqtyń negizigi kásibine ainalǵany jasyryn emes. Muny kúni keshe ǵana QR Parlamenti qabyrǵasynda jýrnalisterdiń suraǵyna jaýap bergen QR Qorǵanys vitse-ministri Sultan Kameletidenov te moiyndady, – dep habarlaidy Dalanews.kz.
Áskeri qyzmetshilerdiń jaǵdaiy jaiynda suraǵan áriptesimiz "Biraz áskeri qyzmetshiler jumystan keiin jeke kólikterimen taksishylyq qyzmet atqaratynyn bilemiz. Sonda olar qai ýaqytta demalady?" degen suraqqa vitse-ministr qashpai týra jaýap berdi.
– Bul másele jaiynda kesimdi pikir aita almaimyn. Bizdiń ministrlik Úkimet bekitken qarjy boiynsha áskeri qyzmetshilerge aqy tóleidi. Iá, kez kelgen áskeri qyzmetshi jumystan shyqqannan keiin demalýy kerek. Ókinishke orai, áskeriler qyzmeti aiaqtalǵannan keiin taksishylyq ainalysatynyn bilemin. Bul qazir jalpyulttyq másele bolyp tur, – dep Kameletidenov myrza kókeidegi oi-pikirin irikpei aitty.
Ras, vitse-ministrdiń oiyn irikpei aitqanyna riza boldyq.
Qazir jalǵyz áskeri qyzmetshiler ǵana emes, ustazdar men memlekettik qyzmetshiler de negizgi qyzmetinen qoly bosaǵanda rýlge jarmasyp, taksishylyqpen ainalysatyny bárimiz bilemiz. Árine, jurt eshkim jetiskennen taksi bolyp júrmegeni anyq.
Eger premer Álihan Smailov Iandek taksidiń bazasyna úńilse, taksishilerdiń birazy óziniń áriptesteri ekenin baiqaǵan bolar edi.
Sondyqtan týra suraqqa týra jaýap qaiyrǵan Qorǵanys vitse-ministri Sultan Kameletidenovke rizamyz.
Kezinde atamyz halyqtyń turmysyn túzeýdi eki siyrmen bailanystyry emes pe? Al munyń janynda taksishylyǵyńyz táp-táýir kásip qoi.
Aitpaqshy, biz aitpasaq ta, Úkimet kóligi bar memqyzmetkerlerdiń taksishylyqpen ainalysyp júrgenin jaqsy biletin siiaqty.
Jyl basynda Qarjy vitse-ministri Erjan Birimjanov aldaǵy ýaqytta taksist pen kýrerlerdiń jumysyn salyq salatyn jańa rejim paida aityp, súiinshi surady. Úkimet biýdjettiń búiirin shyǵarýda taksishylyq pen kýrerlikti munaidan keiingi ekinshi orynǵa qoisa kerek.
Oligarhtarǵa azýy batpaǵan Qarjy ministrligi endi taksist pen kýrerlerge qarsy "ohotany" bastap ketkendei. Jaqyn kúnderi Iandeks taksi qosymshasy júzdegen myń taksisterdi qoidai kógendep, Úkimetke ustap berse, tańqalmańyz.
