Álgi áiel esin jiǵan soń, qonaq úige qymbat baǵamen alyp keldi dep taksishige shara qoldaný kerektigi jaiynda tiisti jerge aryzdanady. Múmkin oǵan bireý aqyl aitqan bolar.
Kóp uzamai, «jedel izdestirý sharalary nátijesinde» (olardyń jazýynsha) Kólik politsiiasy italiialyq áieldi qonaqúige 45 myń teńge jetkizgen almatylyq taksishiniń kim ekenin anyqtaidy.
Ol Almaty oblysynyń 48 jastaǵy turǵyny bolyp shyǵypty. Oǵan «Ákimshilik quqyq buzý týraly kodekstiń 449-baby 1-bóligi boiynsha» shara qoldanǵan. Buny Kóliktegi politsiia departamenti bastyǵynyń birinshi orynbasary Madiiar Aitýǵanov óz aýzymen aityp otyr.
Qazir biz naryq zamanynda ómir súrýdemiz. Naryq degen kapital. Kapital bileidi. Italiialyq qatyn qazaqstandyq taksishimen ózara kelisti, al taksishi ony kózdegen jerine adastyrmai jetkizdi. Kelisim oryndaldy. Endi ne kerek?
Men «Kólik politsiiasynyń» bunysy artyq, tipti óreskel dep esepteimin. Atalǵan bapty oqydym, ol bap tym syrǵanaq, naqty emes.
Ózimiz shetelde júrgende eshkimge shaǵymdanǵan emespin. Shaǵymdansaq ta bizge eshkim járdem bermes edi. Mysaly Vashingtonda (2011 jyly) bizdi bir taksishi Aq úige 500 dollarǵa (kýrs 185 tg edi /92 500 myń tg/) apardy (benzin baǵasy AQSh pen Qazaqstanda qarailas). Qarap otyrdym, saǵatyna 80 shaqyrym jyldamdyqpen 15 minót jol júrdi.
Demek 20 shaqyrym degen sóz. Al Almaty áýejaiy men Bógenbei batyr kóshesindegi qonaq úige deiin, jańylyspasam, 30 shaqyrym bolady. Sonsha qashaqtyqqa jetkizip salý qyzmetin 45 000 myń teńgege (100 dollarǵa jetpeidi) baǵalasa, onda turǵan ne bar?
Al, alapty 45 myń teńgeni. Sony kóre qaldyńdar ma? Áne bir jyly EKSPO ashylǵanda da osyǵan uqsas oqiǵa bolǵan. Bir sheteldikti sál artyq aqshaǵa apardyń dep qazaq takisshini ábden áýrelegen.
Qai elde de, sheteldikke taksi arzan bolmaǵan. Alysqa uzamai-aq, mynaý turǵan Bishkektiń ózinde qyrǵyzdyń kólikshileri tili bir qazaqqa qymbat baǵany aityp turady.
2000-2001 jyldary «Ana tili» gazeti qiyn jaǵdaiǵa ushyrap, jabylyp qalý qaýpi tóngen kezde, men jeke kóligimmen taksishilik etýge májbúr bolǵanmyn. Sonda kórgenmin taksishiniń jumysy qanshalyqty qiyn, tipti aldaý-arbaýǵa, qaýip-qaterge toly ekenin. Sóitip júrip «Almatyǵa kelgen qyz...» atty derekti hikaiat ta jazǵanmyn.
Men osy oqiǵaǵa bailanysty «Kóliktegi politsiia departamentindegi» basshylardyń otanshyldyq sezimderi «nól» dep baǵalaimyn. Italiialyq áieldi «naryq zańyna bailanysty ózge taksi ustaýǵa quqyńyz bar edi» dep sypaiylap shyǵaryp salýyna bolatyn edi ǵoi. Biraq ondai aqyl bizdiń jigitterdiń basyna kelmepty. Qaidan kelsin!
Nurlybek Samatuly, jýrnalist
Taǵy oqyńyz:
https://dalanews.kz/news/80177-khalyq-ushin-asa-mangyzdy-nysandar-zheken
