Tájikstanda anasyn tirideı kómgen Hatlon oblysynyń turǵynyn 25 jylǵa sottady. Sýdıa Nazırbek Azızı 24 jastaǵy Tagoımýrod Mırov byltyr qyrkúıek aıynda otbasylyq janjal kezinde anasyn kúrekpen uryp, keıin úıiniń aýlasyna tirideı kómgenin aıtty.
Sot sheshimine sáıkes, Tagoımýrod Mırov Qylmystyq kodekstiń 104-baby (asa qatygezdikpen adam óltirý) boıynsha aıypty dep tanylǵan. Ol barlyq kinásin moıyndaǵan. Sýdıanyń sózinshe, sottalýshy anasynan altyn buıymdaryn suraǵan. Qarsy bolǵan anasyn kúrekpen urǵan.
Qatygez oqıǵa jóninde quqyq qorǵaý organdary BAQ-qa habarlaǵan. 53 jastaǵy Qaınar qyshlaǵynyń turǵyny Sadafmo Nýrovoıdyń denesi bir metr tereńdiktegi shuńqyrdan tabylǵan. Áıeldiń qol-aıaǵy, aýzy baılanǵan.
Kórshiler Sadafmonyń joǵalyp ketkenin baıqaǵan. Tagoımýrod kórshilerdiń suraqtaryna iz-tússiz joǵalyp ketti dep jaýap bergen. Keıin kórshiler mılısıaǵa habar bergen. Sottalýshynyń týystary sot úkimimen kelisedi.
Sarapshylar Tájikstanda jaqyn týystaryn óltirý áleýmettik-ekonomıkalyq jaǵdaıdyń nasharlaýynan týyndap otyr, adamgershilik qundylyqtary tómendep bara jatyr deıdi.
