تەجٸكستاندا اناسىن تٸرٸدەي كٶمگەن حاتلون وبلىسىنىڭ تۇرعىنىن 25 جىلعا سوتتادى. سۋديا نازيربەك ازيزي 24 جاستاعى تاگويمۋرود ميروۆ بىلتىر قىركٷيەك ايىندا وتباسىلىق جانجال كەزٸندە اناسىن كٷرەكپەن ۇرىپ, كەيٸن ٷيٸنٸڭ اۋلاسىنا تٸرٸدەي كٶمگەنٸن ايتتى.
سوت شەشٸمٸنە سەيكەس, تاگويمۋرود ميروۆ قىلمىستىق كودەكستٸڭ 104-بابى (اسا قاتىگەزدٸكپەن ادام ٶلتٸرۋ) بويىنشا ايىپتى دەپ تانىلعان. ول بارلىق كٸنەسٸن مويىنداعان. سۋديانىڭ سٶزٸنشە, سوتتالۋشى اناسىنان التىن بۇيىمدارىن سۇراعان. قارسى بولعان اناسىن كٷرەكپەن ۇرعان.
قاتىگەز وقيعا جٶنٸندە قۇقىق قورعاۋ ورگاندارى باق-قا حابارلاعان. 53 جاستاعى قاينار قىشلاعىنىڭ تۇرعىنى سادافمو نۋروۆويدىڭ دەنەسٸ بٸر مەتر تەرەڭدٸكتەگٸ شۇڭقىردان تابىلعان. ەيەلدٸڭ قول-اياعى, اۋزى بايلانعان.
كٶرشٸلەر سادافمونىڭ جوعالىپ كەتكەنٸن بايقاعان. تاگويمۋرود كٶرشٸلەردٸڭ سۇراقتارىنا ٸز-تٷسسٸز جوعالىپ كەتتٸ دەپ جاۋاپ بەرگەن. كەيٸن كٶرشٸلەر ميليتسيياعا حابار بەرگەن. سوتتالۋشىنىڭ تۋىستارى سوت ٷكٸمٸمەن كەلٸسەدٸ.
ساراپشىلار تەجٸكستاندا جاقىن تۋىستارىن ٶلتٸرۋ ەلەۋمەتتٸك-ەكونوميكالىق جاعدايدىڭ ناشارلاۋىنان تۋىنداپ وتىر, ادامگەرشٸلٸك قۇندىلىقتارى تٶمەندەپ بارا جاتىر دەيدٸ.
