Tájikstannyń bilim jáne ǵylym mınıstrligi mekteptegi jóndeý jumysyna ata-analardan aqsha jınaýǵa tyıym saldy. Mınıstrdiń qaýlysy respýblıkadaǵy barlyq mektepterge taratyldy, dedi mekeme qyzmetkeri Ikromıddın Donahonov.

Qaýlyǵa sáıkes, mektepte jóndeý jumystaryna, jıhazǵa, eden jýýshylar men kúzetshilerdiń aılyǵyna, muǵalimderge syılyq alýǵa aqsha jınaýǵa tyıym salynǵan.

Buǵan deıin Dýshanbe meri Rýstam Emomalı ata-analardan mektepter men bala baqshalardaǵy jóndeý jumystaryna aqsha jınaýǵa ruqsat bermegen edi.

Tájikstannyń keıbir mektepterinde oqý jyly aıaqtalýǵa jaqyn qalǵanda jóndeý jumystaryna dep aqsha jınaı bastaǵan. Qala basshysynyń hatynan soń, ol aqshalardy ıelerine qaıtaryp bergen.