Aqmola oblysynda sýmen jabdyqtaý jáne sý burý júielerin jańǵyrtýǵa qaitarylǵan aktivter qarajaty esebinen 1,4 mlrd teńge bólindi, dep habarlaidy dalanews.kz.
Prezidenttiń zańsyz iemdenilgen aktivterdi qaitarý jáne olardy elimizdiń áleýmettik-ekonomikalyq damýy úshin paidalaný jónindegi tapsyrmalaryn júzege asyrý aiasynda Aqmola oblysynda sýmen jabdyqtaý jáne sý burý júiesiniń qurylysy júrgizilýde. Arnaýly memlekettik qordan Úkimet osy maqsattarǵa 1,4 mlrd teńge bóldi.
Bul qarajat Býrabai aýdany men Shýchinsk qalasynda tórt infraqurylymdyq jobany júzege asyrý úshin qarastyrylǵan. Atap aitqanda, Býrabai aýdany Qatarkól kóliniń janyndaǵy balalardy saýyqtyrý ortalyqtarynyń sý qubyry jelileri jańǵyrtylmaq. Injenerlik infraqurylymdy jańǵyrtý mekemelerge kommýnaldyq qyzmet kórsetýdiń sapasyn arttyrýǵa jáne maýsymdyq júkteme kezeńinde olardyń tolyqqandy jumys isteýi úshin qajetti jaǵdailar jasaýǵa múmkindik beredi.
Bólingen qarajattyń kelesi bir bóligi Shýchinsk qalasyndaǵy sýmen jabdyqtaý jáne sý burý júielerin keshendi túrde jańartýǵa jumsalady. Atap aitqanda, magistraldyq sý qubyry jelileriniń tórtinshi kezegin salý jáne rekonstrýktsiialaý, sý burý nysandary men jelilerin jóndeý, sondai-aq kvartaldar ishinde káriz tartý josparlanýda.
Jobalardy júzege asyrý jelilerdiń apattylyǵyn tómendetedi. Sonymen qatar, sýdyń qajetti kólemin berý jáne aǵyndy sýlardy burý júiege jańa turǵyn úilerdi, áleýmettik jáne týristik nysandardy qosýǵa múmkindik beredi, sondai-aq óńirge investitsiia tartý úshin de jaǵdai jasaidy.
Bul sharalar jalpy alǵanda Shýchinsk qalasy men Býrabai aýdanyn odan ári damytý úshin kommýnaldyq turǵyda zamanaýi negiz qalyptastyrady. Jańa jáne rekonstrýktsiiadan ótken jeliler turǵyndardyń, áleýmettik mekemelerdiń jáne balalardy saýyqtyrý ortalyqtarynyń jaǵdaiyn jaqsartady, sondai-aq jańa nysandar salý úshin qajetti infraqurylymdy qamtamasyz etedi.
Anyqtama: 2024 jyldan 2026 jylǵa deiingi aralyqta Arnaýly memlekettik qor qarajaty esebinen Úkimet jalpy somasy 610 mlrd teńge bolatyn 500-den astam áleýmettik jobany qarjylandyrýdy maquldady. Onyń ishinde jalpy somasy 226,5 mlrd teńge bolatyn 267 joba sý infraqurylymyn damytýǵa baǵyttalǵan.
Eske salaiyq, buǵan deiin Úkimet SQO aýyldaryn sýmen qamtýǵa qaitarylǵan aktivter esebinen 2,7 mlrd teńge bólgen bolatyn.
