Abat Aiymbetov túrkiialyq "Adana Demirspor" komandasymen arada kelisimshartqa qol qoidy, - dep habarlaidy Dalanews.kz.
28 jastaǵy oiynshy men klýb arasyndaǵy kelisimshart 2025 jylǵy jazǵa deiin jasalǵan. Alaida ári qarai kelisimshart sozylýy da múmkin. Osylaisha endi ol túrik Joǵary ligasynda oinaidy.
Aiymbetov - Aqtóbe fýtbol mektebiniń tárbielenýshisi. Ol "Aqtóbe","Qairat" jáne "Astana" fýtbol klýbtarynyń namysyn qorǵady. Al "Adana Demirspor" Túrkiia Sýperligasynyń biylǵy maýsymynda 31 upaimen 8-orynda kele jatyr.
Aita keteiik, buǵan deiin de túrkiialyq "Beshiktash" qazaqstandyq jartylai qorǵaýshy Bahtier Zainýtdinovpen kelisimge keldi. Al oǵan deiin Zainýtdinov máskeýlikpen TsSKA-men 2025 jylǵa deiin kelisimshartqa otyrǵan edi. Máskeýlik klýbqa ol 2023 jyly "Rostovtan" 2 millionǵa ótken.
Al elimizde fýtboldyń jai-kúii jii sóz bolyp, kúlkige qalady. Jýyrda ǵana Májilis depýtaty Qazybek Isa da memleket deńgeiinde eldegi fýtboldyń jaǵdaiyn synǵa aldy.
"30 jyl ishinde bizdiń elimizde tek 1 stadion salyndy, alaida ol halyqaralyq/eýropalyq standartqa sáikes kelmeidi. Osy saladaǵy biýdjeti eki ese az kórshiles Ózbekstanda 10-ǵa jýyq stadion salyndy jáne olardyń barlyǵy Eýro standarttaryna sáikes keledi. Nelikten mundai jait bolyp jatyr?" - degen edi ol.
