Qonaevta tanymal qazaqstandyq ánshi Ábdijappar Álqoja ustaldy, - dep habarlaidy Dalanews.kz Tengrinews.kz-ke siltep.
Jelide qazaqstandyq ánshi Ábdijappar Álqoja Qonaevta politsiia qyzmetkerlerine baǵynbaǵany úshin ustalǵany týraly aqparat paida boldy.
Almaty oblysynyń Politsiia departamenti tolyq málimet berdi. Oqiǵa 6 shildede politsiia qyzmetkerleri Toyota Camry kóligin toqtatqan kezde bolǵan. Tekserý kezinde olar kóliktiń júrgizýshisi, kólik quralyn basqarý quqyǵynan aiyrylǵanyna qaramastan, tizginde otyrǵanyn anyqtady.
Ábdijappar Álqojanyń ózi jolaýshy retinde basqa KIA Carnival kóliginde otyrǵan. Sol sátte ol politsiia qyzmetkerlerine qysym kórsetip, quqyq buzýshyny rásimdeýge kedergi jasaǵan. Bul rette, politsiia málimetinshe, ánshi mas kúide bolǵan.
"Alaida, avtokólikti aiyppul turaǵyna jetkizgen kezde KIA Carnival avtokóligi keldi, onyń jolaýshysy, azamat M. politsiia qyzmetkerlerine qysym kórsetip, quqyq buzýshyny resimdeýge kedergi jasai bastady. Zańsyz áreketterdiń jolyn kesý kezinde quqyq buzýshy politsiia qyzmetkerlerine baǵynbady. Er adam meditsinalyq kýálandyrýǵa jetkizildi, onyń nátijeleri alkogoldik masańdyqtyń "ortasha" dárejesin kórsetti", - dedi Almaty oblysy PD ókilderi.
Nátijesinde kólik quralyn, kólik júrgizý quqyǵy bolmaǵyna qaramastan tizgindegen Toyota Camry júrgizýshisi 10 táýlik merzimge ákimshilik qamaýǵa alyndy.
Sot sheshimi boiynsha KIA Carnival jolaýshysy, ánshi Ábdijappar Álqoja quqyq qorǵaý organy qyzmetkeriniń zańdy talaptaryna baǵynbaǵany úshin 10 táýlikke qamaýǵa alyndy.
