Messendjerler men áleýmettik jelilerde 2026 jyly tabysy 232 myń teńgeden tómen otbasylarǵa, sondaı-aq, belgili bir syrqaty bar adamdarǵa 432 500 teńge mólsherinde birjolǵy tólem taǵaıyndalatyny týraly aqparat tarap jatyr. Bul aqparat shyndyqqa sáıkes kelmeıdi, dep habarlaıdy Dalanews.kz.
Bul týraly Eńbek jáne halyqty áleýmettik qorǵaý mınıstrligi málimdedi.
"Qoldanystaǵy zańnamada mundaı áleýmettik tólem qarastyrylmaǵan. Mundaı habarlamalardy kóbine alaıaqtar jeke derekke qol jetkizý maqsatynda paıdalanady. Memlekettik qoldaý sharalary týraly resmı málimet tek 1414 nómirinen SMS habarlamalar arqyly jiberiledi. Sondaı-aq, memlekettik organdardyń resmı ınternet resýrstarynda jarıalanady. Ádeıi jalǵan aqparat taratý Qazaqstan Respýblıkasynyń zańnamasyna sáıkes jaýapkershilikke ákep soǵady", - dep jazylǵan habarlamada.
