Politsiianyń málimetinshe, jylqy tabynyn atyp tastaǵan Nura aýdanynyń fermeri úi qamaýyna alyndy, dep habarlaidy Dalanews.kz
Oqiǵa qyrkúiek aiynyń sońynda Zarechnoe aýyly mańynda bolǵan. Tergeý málimetinshe, 53 jastaǵy er adam óz alqabyna kirip ketken jylqylarǵa oq atqan. Oqiǵa ornynan oq jaraqatyn alǵan 17 jylqy tabylyp, sonyń 14-i qaza tapqan.
«Politsiia qyzmetkerleri Nura aýdanynyń 53 jastaǵy turǵynyn anyqtap, bólimshege jetkizdi. Sot onyń bultartpaý sharasy retinde úi qamaýyna aldy. Oqiǵaǵa qatysty qarý, oq- dári jáne avtokólik tárkilendi»,- dep habarlady Qaraǵandy oblystyq Politsiia departamentiniń baspasóz qyzmeti.
Qylmystyq is «Bótenniń múlkin qasaqana joiý» baby boiynsha tergelip jatyr. Sonymen qatar, taǵy bir sotqa deiingi tergeý bastaldy- bul joly jylqylardyń iesine qatysty. Ol oq atqan adamǵa ólimmen qorqytty degen boljam bar.
Tergeýshiler janýarlardyń qyrylýyna alyp kelgen janjaldyń barlyq mán- jaiyn anyqtaýdy jalǵastyryp jatyr. Eske sala keteiik, ótken aptada áleýmettik jelilerde Nura aýdanynda jylqylardyń atylǵany týraly aqparat tarady. Kýágerlerdiń aitýynsha, janýarlarǵa oq atqan- jergilikti fermerlerdiń biri.
