پوليسيانىڭ مالىمەتىنشە، جىلقى تابىنىن اتىپ تاستاعان نۇرا اۋدانىنىڭ فەرمەرى ءۇي قاماۋىنا الىندى، دەپ حابارلايدى Dalanews.kz
وقيعا قىركۇيەك ايىنىڭ سوڭىندا زارەچنوە اۋىلى ماڭىندا بولعان. تەرگەۋ مالىمەتىنشە، 53 جاستاعى ەر ادام ءوز القابىنا كىرىپ كەتكەن جىلقىلارعا وق اتقان. وقيعا ورنىنان وق جاراقاتىن العان 17 جىلقى تابىلىپ، سونىڭ 14ء-ى قازا تاپقان.
«پوليسيا قىزمەتكەرلەرى نۇرا اۋدانىنىڭ 53 جاستاعى تۇرعىنىن انىقتاپ، بولىمشەگە جەتكىزدى. سوت ونىڭ بۇلتارتپاۋ شاراسى رەتىندە ءۇي قاماۋىنا الدى. وقيعاعا قاتىستى قارۋ، وق- ءدارى جانە اۆتوكولىك تاركىلەندى»،- دەپ حابارلادى قاراعاندى وبلىستىق پوليسيا دەپارتامەنتىنىڭ باسپا ءسوز قىزمەتى.
قىلمىستىق ءىس «بوتەننىڭ مۇلكىن قاساقانا جويۋ» بابى بويىنشا تەرگەلىپ جاتىر. سونىمەن قاتار، تاعى ءبىر سوتقا دەيىنگى تەرگەۋ باستالدى- بۇل جولى جىلقىلاردىڭ يەسىنە قاتىستى. ول وق اتقان ادامعا ولىممەن قورقىتتى دەگەن بولجام بار.
تەرگەۋشىلەر جانۋارلاردىڭ قىرىلۋىنا الىپ كەلگەن جانجالدىڭ بارلىق ءمان- جايىن انىقتاۋدى جالعاستىرىپ جاتىر. ەسكە سالا كەتەيىك، وتكەن اپتادا الەۋمەتتىك جەلىلەردە نۇرا اۋدانىندا جىلقىلاردىڭ اتىلعانى تۋرالى اقپارات تارادى. كۋاگەرلەردىڭ ايتۋىنشا، جانۋارلارعا وق اتقان- جەرگىلىكتى فەرمەرلەردىڭ ءبىرى.
