"Tabanymnan syz ótti...". Kovid juqtyrǵan depýtat Densaýlyq ministrine shaǵyndy
- Mine, Nurlan Shathanuly, ekinshi qabatta ne bolyp jatqanyn kórdińiz be? Bálkim bilmeitin shyǵarsyz. Sý tamshylap jatyr.
Qaýipti indetke shaldyqqan depýtat Elmira Myrza-Ǵali biraz ýaqyttan beri infektsiialyq statsionarda em alyp jatyr. Onyń sózinshe, ǵimarattyń kire berisinen erigen qar sýy sorǵalap aǵyp tur. Mekemeniń ishi sýyq, krandaǵy sý salqyn, ol azdai, túnimen jylý bolmaǵan.
Sonyń kesirinen naýqastardyń bári jaýrap, kóbisiniń temperatýrasy kóterelip, jóteli asqynǵan. Mundai bassyzdyqqa ábden yza bolǵan halyq qalaýlysy ishtegi qolaisyz jaǵdaidy taspaǵa túsirip, túnde áleýmettik jelide jariialaǵan. Al erteńinde dereý jylý qosyldy.
Depýtat kameraǵa mán-jaidy aitýdan bas tartty. Onyń aitýynsha, densaýlyǵy nasharlap, bas kótere almai jatyr.
Erbol Ordabekov, Taraz qalasy №1 aýrýhanasy bas dárigeriniń orynbasary:
Qazandyqtan aqaý shyqty. Bul bizdiń qolymyzdaǵy sharýa emes, oan jylý mekemesi jaýapty. Olar búgin tańerteń kelip jóndep berdi. Biz sol mekemege naryzylyǵymyzdy bildirip, hat jazǵaly otyrmyz. Daiyndap ta qoidyq. Naýqastar jylýsyz qalmaýy tiis.
