Astanaǵa Siriia jónindegi beibit kelissózge qatysýshylardyń barlyq taraby kelgen. Onyń ishinde siriialyq qarýly oppozitsiia delegatsiiasy basshysy jáne «Djeish ál-Islam» uiymymynyń jetekshisi de bar dep habarlaidy Qazaqstannyń syrtqy ister ministrliginiń baspasóz hatshysy Ánýar Jainaqov.
Qazaqstan IIM aqparaty boiynsha, ekijaqty kelissózder 3-4 mamyrda jabyq esik jaǵdaiynda ótedi. 4 mamyrda kúnniń ekinshi jartysynda qorytyndy baspasóz máslihatyn ótkizý josparlanǵan.
Kelissózge AQSh delegatsiiasy atynan memlekettik hatshynyń Taiaý Shyǵys isteri jónindegi kómekshisi Stiýart Djons ta birinshi ret qatysyp otyr.
Siriiadaǵy janjaldy retteý jónindegi kelissóz biyl Astanada úsh ret ótti. Úsheýine de oppozitsiia ókilderi kelmegen edi.
Bul jolǵy kezdesýde BUU bas hatshysynyń Siriia jónindegi arnaiy elshisi Staffan De Mistýra da bar. Siriia úkimeti delegatsiiasyn BUU-daǵy turaqty ókil Bashar Djaafari bastap kelip otyr.
