Qazgıdromet sınoptıkteri atmosferalyq fronttardyń ótýine baılanysty aldaǵy kúnderi el aýmaǵynda aýa raıynyń kúrt ózgeretinin eskertti, dep habarlaıdy Dalanews.kz.
Boljamǵa sáıkes, 27 jeltoqsanda Qazaqstannyń shyǵysynda, 27–29 jeltoqsan aralyǵynda batys óńirlerde, al 29 jeltoqsanda soltústik-batys, soltústik jáne ortalyq aımaqtarda qar jaýyp, burqasyn soǵady jáne jel kúsheıedi. Ońtústik óńirlerde jaýyn-shashyn jańbyr men qar túrinde túsedi.
Qatty qar 27 jeltoqsanda shyǵys jáne ońtústik-shyǵys óńirlerde, al 28 jeltoqsanda eldiń batysynda kútiledi. Respýblıka boıynsha tuman túsip, kórý qashyqtyǵynyń tómendeýi múmkin.
Temperatýralyq fonǵa kelsek, soltústik-batys, soltústik jáne ortalyq aımaqtarda aýa temperatýrasy birshama joǵarylaıdy: túnde -10…-18°C, kúndiz -0…-8°C bolady.
Shyǵys óńirlerde túnde -15…-20°C, kúndiz -5…-10°C saqtalady.
Al ońtústikte túnde 0…+5°C, taýly aýdandarda -5…-10°C, kúndiz 5…15°C, taýly jerlerde -4…-1°C bolady dep boljanýda.
Sınoptıkter júrgizýshiler men turǵyndardy aýa raıynyń qolaısyzdyǵyna baılanysty saqtyq sharalaryn kúsheıtýge shaqyrady.
