Búgin «Mektep álemin ózgertetin ustazdar» XI Halyqaralyq ǵylymı-tájirıbelik konferensıasy aıasynda Nur-Sultan qalasynyń ákimi Altaı Kólginov pen sıngapýrlyq KinderWorld International Group kompanıasynyń tóraǵasy Tan Teg Eng bilim berý salasyndaǵy ınvestısıalyq jobalardy júzege asyrý boıynsha jol kartasyna qol qoıdy.

– Memleket Basshysy Qasym-Jomart Toqaev bilim berý júıesine ınvestısıa tartýdy tapsyrdy. Elordamyz ınvestısıa tartý úshin qolaıly oryn bolyp tabylady. Jobalardy júzege asyrý arqyly biz muǵalimder men oqýshylardy jańa oryndarmen qamtı alamyz, – dedi A. Kólginov.

Sıngapýrlyq ınvestorlar elordada eki mektep pen balabaqsha salady. Tartylatyn ınvestısıalar kólemi shamamen 15 mlrd. teńgeni quraıdy.

Jobany júzege asyrý 300-den astam jumys ornyn qurýǵa múmkindik beredi. Balabaqsha 600 orynǵa, mektepter 2 myń orynǵa eseptelgen.

Sıngapýrdyń bilim berý júıesi bilimdi tikeleı praktıkada qoldanýǵa baǵyttalǵan jáne reıtıńterde jetekshi orynǵa ıe. Sıngapýrlyq kompanıa «Astana» halyqaralyq qarjy ortalyǵynyń qatysýshysy retinde tirkeý týraly sertıfıkatty alý máselesin pysyqtaýda.

Investısıa jónindegi qalalyq keńestiń otyrystarynda 16 myń oryndyq 18 mektep qurylysy boıynsha 18 ınvestor qoldaý tapty. Onyń  3 myńy – mektepke deıingi oqytý oryndary. Tartylatyn ınvestısıalardyń jalpy kólemi 50 mlrd. teńgeden asady.