Shymkentte er adam burynǵy jubaiyna qyshqyl quiyp, aýyr jaraqat saldy. Oqiǵa boiynsha kúdikti ustalyp, tergeý bastaldy, dep habarlaidy dalanews.kz.
Aldyn ala málimetterge sáikes, erli-zaiypty shamamen bes jyl buryn ajyrasqan. Olardyń ortaq balasy bar. Zardap shekken áiel sulýlyq salonynda jumys isteidi.
Oqiǵa bolǵan kúni burynǵy kúieýi áielge bóten nómirden habarlasyp, ózin klient retinde tanystyrǵan. Ol keshki ýaqytta qabyldaýyn surap, keiin salonǵa qyshqyl quiylǵan ydyspen kelgen. Kúdikti áieldiń ústine qyshqyl shashyp jibergen.
Saldarynan jábirlenýshi basy, beti, moiny, keýdesi, qoldary, arqasy men iyq tusynan aýyr himiialyq kúiik alǵan. Qazir ol aýrýhanada em qabyldap jatyr.
Boljam boiynsha, janjaldyń týyndaýyna nesie men aliment tólemderine qatysty máseleler sebep bolýy múmkin.
Kúdikti politsiia qyzmetkerleri tarapynan ustaldy. Shymkent qalasy Qarataý aýdandyq politsiia basqarmasy atalǵan derek boiynsha Qazaqstan Respýblikasy Qylmystyq kodeksiniń 107-baby boiynsha sotqa deiingi tergep-tekserý jumystaryn bastady.
Atalǵan baptyń sanktsiiasy úsh jylǵa deiin bas bostandyǵynan aiyrý jazasyn kózdeidi.
