Shymkentte plastikalyq hirýrgiia qyzmetin zańsyz kórsetken azamatqa qatysty sot úkimi shyqty, dep habarlaidy dalanews.kz.
Prokýratýranyń málimetinshe, er adamda maman sertifikaty men tiisti litsenziia bolmaǵanyna qaramastan plastikalyq operatsiialar jasaǵan.
Ol patsientke blefaroplastika (qabaqqa jasalatyn plastikalyq operatsiia) júrgizgen. Operatsiiadan keiin áiel bir kóziniń kórý qabiletin tolyq joǵaltqan.
Sot er adamdy Qazaqstan Respýblikasy Qylmystyq kodeksiniń 322-babynyń 2-bóligi boiynsha kináli dep tanydy. Atalǵan bap abaisyzda adamnyń densaýlyǵyna aýyr ziian keltirýge ákep soqqan zańsyz meditsinalyq jáne farmatsevtikalyq qyzmet úshin jaýapkershilikti kózdeidi.
Sot úkimimen oǵan 1 jyl 6 ai merzimge bas bostandyǵynan aiyrý jazasy taǵaiyndaldy. Sondai-aq úsh jyl boiy meditsinalyq jáne farmatsevtikalyq qyzmetpen ainalysý quqyǵynan aiyryldy.
Osyǵan bailanysty prokýratýra qazaqstandyqtardy saq bolýǵa shaqyrdy.
«Tiisti litsenziiasy men biliktiligi joq adamdarǵa júginý ómir men densaýlyqqa aýyr zardap ákelýi múmkin», – dep eskertti vedomstvo.
