Shyǵys Qazaqstan oblysynda Zaisan jáne Katonqaraǵai áýejailarynyń qurylysy jalǵasyp jatyr, dep habarlaidy dalanews.kz.
Kólik ministrliginiń uiymdastyrýymen QR Kólik vitse-ministri Talǵat Lastaev Shyǵys Qazaqstan oblysyna jumys saparymen baryp, Zaisan jáne Katonqaraǵai aýdandaryndaǵy áýejai qurylysynyń barysyn tekserdi.
Jumys saparyna Shyǵys Qazaqstan oblysy ákiminiń orynbasary Baqytjan Baiahmetov, «Qazaeronavigatsiia» RMK bas direktory Faat Bogdashkin, Qazaqstannyń Aviatsiialyq ákimshiliginiń bas atqarýshy direktory Maikl Deniel, Zaisan aýdanynyń ákimi Aelita Ahmetsalimqyzy, sondai-aq merdiger qurylys uiymdarynyń ókilderi qatysty.
Jumys sapary barysynda qurylys-montaj jumystarynyń qazirgi qarqyny, áýejailardyń aerodromdyq jáne aerovokzaldyq infraqurylymynyń negizgi nysandary qanshalyqty daiyn ekeni, sondai-aq áýejailardy paidalanýǵa berýge daiyndaý máseleleri qaraldy.
Zaisan men Katonqaraǵaidaǵy áýejailar ishki týrizmdi damytý jáne óńirlerdiń kólik qatynasyn jaqsartý maqsatynda salynyp jatqan jańa áýe ailaqtarynyń qatarynda. Atalǵan jobalar boiynsha qurylys jumystary 2025 jyly bastalǵan.
