Búginde kógildir otyn qoldanýshylarynyń turmysyn jeńildetýge arnalǵan QazaqGaz Aimaq mobildi qosymshasyna 630 myń tutynýshy tirkelgen. Sonymen qatar, ol arqyly 242 myń tabiǵi gaz kórsetkishi berilip otyr, dep habarlaidy Dalanews.kz
«QazaqGaz Aimaq» AQ baspasóz qyzmeti mobildi qosymsha derekterdi jedel berýdi jeńildetetinin aitady: eseptegishti aiyna bir ret qana syrt etkizip telefonyńyzǵa sýretke túsirip, jiberseńiz boldy, jasandy intellekt kórsetkishterdi ózi tanyp, durystyǵyn tekseredi.
Ekologiialyq qaýipsiz ári taza otyn túrine qosylǵysy keletin qazaqstandyqtarǵa tehnikalyq sharttardy berý protsesi de tolyǵymen onlain sipatqa kóshken. Qazirgi ýaqytta jeke jáne zańdy tulǵalardan 128 778 ótinim túsken.
Al «Áleýmettik ámiian» jobasy aiasynda 44 myń otbasy gaz tutynýǵa arnalǵan jeńildikti paidalanǵan. Bul rette ataýly kómek alatyn azamattarǵa 1414 nómirinen jeńildik jóninde SMS-habarlama kelip túsedi. Olar baǵdarlamaǵa qatysatynyn rastap, ózderiniń jeke shotyn kórsetedi. Bul qanshama ýaqytty únemdeýge, qatelikterdi boldyrmaýǵa áser etip jatyr. Ári áleýmettik kómektiń ashyqtyǵy men qoljetimdiligi qamtamasyz etilgen. 24 paiyz jeńildik tólem kezinde avtomatty túrde qoldanylady. Bir otbasy birneshe myń teńgeni únemdei alady. Búgingi tańda bul joba búkil respýblika aýmaǵynda keńinen taralǵan.
Sarapshylar kompaniianyń tehnologiialyq jańalyqtary ár otbasyǵa kómektesip, turmys taýqymetin jeńildetetinin, kúndelikti ómirde jailylyq týǵyzatynyn keltiredi.
