Astanada IT-salasynda genderlik stereotipterdi azaitýǵa jáne názik jandylardy tsifrly salaǵa tartýǵa baǵyttalǵan tanymal «RoboTechnoGirls» jobasy jumysyn bastady.
Elordalyq «Robotek» kompaniiasynda qazirdiń ózinde jazǵy mektep ashyldy, onda júzden astam qyz baǵdarlamalaý jáne dizain boiynsha alǵashqy bilimderin tegin alyp, aqparattyq tehnologiialar, robototehnika, injeneriia jáne jasandy intellektpen tanysady.
– «RoboTechnoGirls genderlik stereotipterdi buzýǵa kómektesedi jáne qyzdardy STEM bilimine jáne jalpy IT salasyna qyzyǵýshylyq tanytýǵa shabyttandyrady. Jobanyń missiiasy bizdiń kompaniianyń balalardyń bolashaqqa alǵashqy qadam jasaýyn qamtamasyz etý missiiasymen tolyq sáikes keledi», – deidi «Robotektiń» bas direktory Sanjar Shalqarbekov.
«RoboTechnoGirls» biregei jobasyn qurý týraly memorandýmǵa «TechnoWomen Asia» jáne «Robotek» kommertsiialyq emes uiymy qol qoidy.
– Búginniń ózinde elde ónerkásiptiń tek erkekterge arnalǵan basymdyǵy týraly stereotiptik ideialar joiylýda, qazir salystyrmaly túrde názik jandylar kúrdeli tehnologiialyq protsesterdi igergen, kreativti injenerlik sheshimderdi engizip, álemdi jańa nárselermen tań qaldyrýda, – dep jobaǵa qatysýshylardy jáne olardyń ata-analaryn «Agromash Holding» prezidenti Dinara Shúkijanova shabyttandyrdy.
Qazaqstandyq komandalardyń quramynda qyzdar robototehnikadan eń bedeldi álemdik týrnirlerde el namysyn qorǵap júr.
– Mamyr aiynda Astanada ótken «Robotek Grand Tournament» halyqaralyq chempionatynda qyzdardan quralǵan birneshe komanda jeńis tuǵyryna kóterildi. Al Robotek Grand týrnirinde alǵash ret usynylǵan bizdiń kompaniianyń boitumaryn oraldyq Dilnaz Nurǵalieva oilap tapqan, – dep atap ótti Sanjar Shalqarbekov.
«RoboTechnoGirls» baǵdarlamasynda qazaqstandyq IT-indýstriiasynyń eń tanymal kóshbasshylarymen kóptegen taqyryptyq kezdesýler josparlanǵan, onda erteńgi suranysqa ie mamandyqtar tanystyrylady. Búgingi tańda jobaǵa qatysýshylar veb-analitika, derekter týraly ǵylym, kiberqaýipsizdik júielerin jáne basqa da jahandyq quzyretterdi meńgerýge nietti.
«RoboTechnoGirls» seriktesteri jazǵy mektepti bitirgen alǵashqy júz qyzdyń ózine senimdiligi artatyny sózsiz, olar tsifrly álemge alǵashqy qadamyn jasap qana qoimai, onyń jahandyq trendterimen sýsyndap, bolashaqqa jospar quratynyna senimdi. Olardyń qatarynda elordalyq «Astana Daryny» ortalyǵy, eldegi eń iri bank sanalatyn ForteBank jáne qazaqstandyq Allur avtomobil kompaniiasy bar.
Endi biregei jobany barlyq aimaqtarda odan ári keńeitý josparda bar. «RoboTechnoGirls» qazaqstandyq intellektýaldy tehnologiialardy óz elderinde sátti engizip jatqan «Robotektiń» sheteldik seriktesteriniń úlken qyzyǵýshylyǵyn týdyrdy, olardyń barlyǵy sporttyq robototehnikada da, naqty tsifrly shyndyqta da genderlik alshaqtyqty qysqartýǵa umtylady.
«Robotek» – elimizge jáne álemge tanymal, STEM bilim berý salasyndaǵy eń tabysty otandyq kompaniialardyń biri. 2023 jyldyń qarashasynda «Robotek» Panamada ótken Dúniejúzilik robottar olimpiadasynda jeńis tuǵyryna kóterildi, onda qatarynan eki komanda jeńiske jetti. Sonymen qatar WRO alańynda AQSh-tyń «Chasewood Learning» STEM salasyndaǵy bilim berý qyzmetteriniń tanymal ortalyǵymen, Hebeidegi №19 Sintai orta mektebimen, Qytaidaǵy №19 orta mekteppen jáne Ázirbaijannyń «AREA» robototehnika injenerlik akademiiasymen strategiialyq seriktestik ornatty.
Mamyr aiynda Astanada túrkitildes elderdiń úzdik robototehnika mamandary qazaq shańyraǵy astynda bas qosty. «TurkTime!» jahandyq bastamasy aiasynda «Aqylman» prezidenttik litseii (Sholpan ata), «Sapat» halyqaralyq jelisi(Bishkek), «Seytek STEM» bilim berý kesheni (Toqmaq), Ózbekstannyń Tashkent pen Shyrshyǵynan «SteamLand» jáne «Roboschool» bilim berý ortalyǵy, sondai-aq tájikstandyq «Robottar ligasynyń» úzdik ujymdarymen yntymaqtastyq týraly memorandýmdarǵa qol qoiyldy.
Mira Alipinova
Foto Igor Býrgandinovtiki
