Shveitsariiada Ózbekstannyń burynǵy prezidenti Islam Karimovtyń qyzy Gúlnara Karimovaǵa qatysty is qaita qarala bastady. Reuters agenttiginiń málimetinshe, sot protsesi Karimovaǵa taǵylǵan para alý jáne zańsyz qarjy ainalymyna bailanysty aiyptar aiasynda ótip jatyr, dep habarlaidy dalanews.kz.
Aiyptaýshy tarap Gúlnara Karimovany "The Office" dep atalǵan qylmystyq qurylymdy basqarýǵa qatysy bar dep sanaidy. Tergeý bul istiń tamyry shamamen jiyrma jyl burynǵy oqiǵalarǵa baryp tireletinin alǵa tartady.
Iske Shveitsariiadaǵy Lombard Odier banki de qatystyrylǵan. Qarjy uiymy zańsyz jolmen alynǵan qarajatty jasyrýǵa kómektesti degen kúdikke ilingen.
Tergeý materialdaryna sáikes, 2005-2013 jyldar aralyǵynda Karimovaǵa qatysy bar qurylymdar arqyly Shveitsariiadaǵy bank shottaryna júzdegen million dollar aýdarylǵan.
Osy is boiynsha banktiń burynǵy qyzmetkerleriniń biri de jaýapqa tartylyp jatyr. Oǵan atalǵan qarajatty jasyrýǵa qatysqan degen aiyp taǵylǵan.
Qazirgi ýaqytta Gúlnara Karimova Ózbekstanda jazasyn ótep jatyr. Reuters dereginshe, Karimova da, bank tarapy da ózderine taǵylǵan aiyptardy moiyndamai otyr.
Sot protsesiniń qansha ýaqytqa sozylatyny jáne úkimniń qashan shyǵatyny ázirge belgisiz.
