Fotograf Dmitrii Bronnikov áleýmettik jelide Qazaqstandaǵy kúnbaǵys alqaptarynyń qazirgi kúiin kórsetip, demalýshylar men fotosessiia jasaýshylardyń áreketine alańdaýshylyq bildirdi, dep habarlaidy dalanews.kz.
Onyń aitýynsha, sońǵy ýaqytta ádemi kadr túsirý maqsatynda adamdar gúldep turǵan alqaptardyń ishine kirip, kúnbaǵystardy taptap, sabaqtaryn syndyryp ketetin jaǵdailar jiilegen. Sonyń saldarynan egistiktiń bir bóligi zaqymdanyp, ónim shyǵynyna ákelýi múmkin.
«Kún batar sátte ádemi sýretke túskisi keletinderdi túsinemin. Biraq alqaptyń ortasyna deiin kirip, bárin taptap ketýdiń qajeti joq qoi», – deidi fotograf.
Sonymen qatar ol keibir kelýshilerdiń artynan qoqysyn jinamai ketetinin de atap ótti. Plastik bótelkeler men tamaq qaldyqtary alqaptyń kórkin buzyp qana qoimai, ósimdikterdiń búlinýine sebep bolyp jatqan kórinedi.
Dmitrii azamattardy bir sáttik foto nemese video úshin diqandardyń maýsym boiǵy eńbegine ziian keltirmeýge shaqyrdy.
