Sýperprezidenttik júieden tolyq bas tartamyz. Áitpese ózgeris bolmaidy - Toqaev
Memleket basshysy onyń tapsyrmasy boiynsha «Konstitýtsiiaǵa ózgerister men tolyqtyrýlar engizý jobasyn daiyndaý jumystary kidirissiz bastalǵanyn» eske saldy.
"Negizgi Zańǵa ózgerister engizilmei, josparlanǵan aýqymdy qaita qurýlardy tiimdi júzege asyrý múmkin emes ekeni anyq.
Bizdiń azamattarymyz ózderine «Jańa Qazaqstan degenimiz ne?» degen suraqty jii qoiady. Meniń oiymsha, bul suraqqa qysqa jáne naqty jaýap berýge bolady. Jańa Qazaqstan, shyn máninde, Ádil Qazaqstan", – dedi Qasym-Jomart Toqaev.
Prezident «Konstitýtsiiaǵa engizilgen ózgerister men tolyqtyrýlar eldiń saiasi arhitektýrasyn keshendi túrde qaita pishimdeýge, bilik tarmaqtary arasyndaǵy tejeý men tepe-teńdiktiń neǵurlym teńgerimdi júiesin qurýǵa baǵyttalǵanyn» atap ótti.
"Biz sýper prezidenttik basqarý túrinen túbegeili bas tartamyz! Parlament pen máslihattardyń ókilettigin kúsheitemiz. Basym baǵyttardyń biri – partiialyq-saiasi salany jańǵyrtý", – Qasym-Jomart Toqaev.
Memleket basshysynyń aitýynsha, «elimizde jańa partiialar paida bolady, al burynnan barlar qazirgi tendentsiialar men azamattardyń talaptaryna sai óz qyzmetin qaita qarap, qurylymdaýǵa kirisedi».
