Joǵary aýditorlyq palata jylytý, sýmen jabdyqtaý jáne sý burý salalaryndaǵy mindetti emes biýdjet shyǵyndaryn toqtatty, dep habarlaidy Dalanews.kz.
Joǵary aýditorlyq palatanyń nusqamasy boiynsha jylýmen, sýmen jabdyqtaý jáne sý burý júieleriniń qurylysyn jańǵyrtý kezindegi biýdjet qarajatyn utymsyz jumsaý toqtatyldy.
Osy salaǵa aýdit júrgizý barysynda mynadai buzýshylyqtar anyqtaldy: 2023-2024 jyldary senim bildirilgen agenttiń shyǵyndary sheńberinde biýdjet qarajatynan taldamalyq kórsetiletin qyzmetterge aqy tólengen. Al bul Qurylys jáne turǵyn úi-kommýnaldyq sharýashylyq isteri komiteti men «Qazaqstandyq turǵy úi-kommýnaldyq sharýashylyqty jańǵyrtý jáne damytý ortalyǵy» AQ-nyń tikelei fýnktsionaly bolyp tabylady. Jalpy 2 jyl ishinde 207 mln teńgeden astam qarajat jumsalǵan.
Joǵary aýditorlyq palatanyń tapsyrmasyn oryndaý sheńberinde jylýmen, sýmen jabdyqtaý jáne sý burý júieleriniń qurylysyn jańǵyrtýǵa respýblikalyq biýdjetten shyǵystardy qalyptastyrý kezinde 2025 jyldan bastap atalǵan qyzmetter úshin qarjylandyrý bólinbeidi.
Sonymen qatar 2024 jylǵa arnalǵan biýdjetti túzetý kezinde 84,4 mln teńge únemdeldi. Bul qarajat memleket qazynasyna qaitaryldy.
Memlekettik aýdit qorytyndylary boiynsha basqa da tapsyrmalardyń oryndalýy Joǵary aýditorlyq palatanyń baqylaýynda bolady.
