Suraq qoiardan buryn akter ótken jyly «Qazaqstan arýy» baiqaýyna qatysýshy kitap oqymaitynyn moiyndaǵanyn eske aldy.
Informburo.kz portalynyń málimetinshe, bul joly ádil-qazylar quramynda bolǵan belgili akter «Astana arýy» Elnaz Nurseiitovadan bolashaqta balalaryna qandai úsh kitapty oqýǵa keńes beretinin surady. Arý bul suraqty kútpese kerek, sasyp qaldy.
«Men óz balama Ánýar Nurpeiisovtyń «Qan men ter» trilogiiasyn oqýǵa keńes berer edim» , – dep jaýap berdi Elnaz Nurseiitova.
Ánýar Nurpeiisov qyzdyń sózin bólip jiberip, bul kitaptyń avtory emes ekenin eskertti.
«Keshirim ótinemin, «Qarash-qarash oqiǵasy», – dep ekinshi kitapty atady «Astana arýy». Sodan keiin zaldyń kómegimen tizimge «Abai jolyn» qosty.
Jaýapqa kóńili tolmaǵan Ánýar Nurpeiisov qazaqstandyq qyzdarǵa kirpik ósirgenshe, kitapty kóbirek oqýǵa keńes berdi.
«Qyzdar, sulýlyq baiqaýlaryna jalǵan kirpikterińdi kórsetýge kelýdi doǵaryńdar. Bilim alýǵa umtylyńdar, bilimnen jarysyńdar», - dedi ol.
Aita keterligi, astanalyq arýdyń anasy qazaq tili men ádebieti pániniń muǵalimi eken.
Esterińizge sala keteiik, «Qazaqstan arýy-2016» baiqaýyn qyzylordalyq Gúlbaný Ázimhanova jeńip aldy.
Al 1-shi vitse miss ataǵyn astanalyq Elnaz Nurseiitova, 2-shi vitse-miss ataǵyn kókshetaýlyq Janara Naimanbaeva aldy, 3-shi oryn óskemendik Anastasiia Ýsoltsevaǵa buiyrdy.
Osylaisha, saiystyń jeńimpazy 5 mln teńge kóleminde syiaqyǵa ie bolyp, «Álem arýy-2017» halyqaralyq sulýlyq baiqaýynda Qazaqstan namysyn qorǵaýǵa múmkindik aldy.
https://www.youtube.com/watch?v=LgD58fruaXA
