Atyraý oblysynda birneshe adamnyń ólimine qatysty rezonansty qylmystyq is boiynsha sot protsesi jalǵasyp jatyr. Is boiynsha basty aiyptalýshy retinde Sultan Sársemáliev jaýap berýde, dep habarlaidy dalanews.kz.
Búgingi sot otyrysynda aiyptalýshyǵa qatysty taǵy bir video kórsetilgeni habarlandy. Jelide taraǵan kadrlarda Sársemálievtiń lombardqa altyn buiymdardy ótkizgen sáti beinelengen. Bul videony jýrnalist Juldyz Qairatqyzy jariialady.
Is materialdaryna sáikes, Sársemáliev áieliniń ata-anasy men týystaryna qatysty aýyr qylmys jasady dep aiyptalyp otyr. Tergeý nusqasy boiynsha, birneshe adamnyń ólimine ákelgen oqiǵa otbasylyq janjaldan keiin bolǵan.
Sot barysynda aiyptalýshy keibir epizodtar boiynsha kinásin ishinara moiyndaǵan. Alaida ol aiyptaýdyń birqatar tarmaqtarymen kelispeitinin jetkizgen. Máselen, Sársemáliev Naýryzdyń ólimi abaisyzda bolǵanyn aitqan.
Saraptama qorytyndysyna sáikes, aiyptalýshy qylmys jasalǵan sátte óz áreketine jaýap bere alatyn jaǵdaida bolǵan. Tergeý barysynda bul iske basqa adamdardyń qatysy anyqtalmaǵany aityldy.
Qazir sot protsesi jalǵasyp jatyr. Istiń tolyq mán-jaiy sot barysynda anyqtalmaq.
