Memleket basshysy Ulttyq bank tóraǵasy Timýr Súleimenovti qabyldady, dep habarlaidy Dalanews.kz.
Prezidentke ekonomika men qarjy júiesiniń jai-kúii jáne biylǵy qańtar-qarasha ailarynda júrgizilgen aqsha-nesie saiasatynyń negizgi baǵyttary jóninde esep berilip, 2026 jylǵa arnalǵan jospar tanystyryldy.
Timýr Súleimenov:
- iskerlik belsendilik, infliatsiiaǵa yqpal etetin faktorlar jáne baǵany turaqtandyrý úshin qabyldanǵan sharalar týraly aitty.
Úkimet, Ulttyq bank pen Qarjy naryǵyn retteý jáne damytý agenttigi 2026-2028 jyldarǵa arnalǵan makroekonomikany turaqtandyrý jáne halyqtyń ál-aýqatyn arttyrý jónindegi birlesken is-qimyl baǵdarlamasyn júzege asyrýǵa kiristi.
Qarjy, valiýta jáne memlekettik baǵaly qaǵazdar naryqtaryndaǵy jaǵdai, Ulttyq qor men Biryńǵai zeinetaqy jinaqtaýshy qory aktivteriniń, altyn-valiýta rezervteriniń jai-kúii týraly málimet berdi.
Jyl basynan beri Ulttyq qordyń valiýtalyq aktivteri 4,8 milliard dollarǵa ósti.
11 aidaǵy investitsiialyq tabys shamamen 8,2 milliard dollardy nemese 13,7 paiyzdy qurady.
Esepti kezeńde altyn-valiýta rezervteri 16,3 milliard dollarǵa nemese 36 paiyzǵa ulǵaiyp, 62,1 milliard dollarǵa jetti.
BJZQ zeinetaqy aktivteriniń kólemi biyl qańtar-qarasha ailarynda 2,6 trillion teńgege nemese 11,7 paiyzǵa artyp, 25 trillion teńge boldy.
- jappai tsifrlandyrý barysy jáne Ulttyq banktiń tsifrlyq jobalary jóninde baiandady. Sonyń ishinde Antifrod ortalyqtyń jumysyna, ulttyq tsifrlyq qarjy infraqurylymdaryn tehnologiialyq turǵydan júzege asyrýǵa mán berildi.
Ulttyq bank baǵa turaqtylyǵyn saqtap, infliatsiiany ortasha 5 paiyzdyq mejede ustap turý úshin barlyq qajetti sharany qabyldaýda.
Prezident:
infliatsiiany tómendetýge, qarjy naryǵy men tsifrlyq transformatsiia sektorynyń turaqtylyǵyn qamtamasyz etýge basa nazar aýdaryp, Ulttyq bank qyzmetine qatysty birqatar tapsyrma berdi.
