Ulttyq rýhani muramyzdy ulyqtaý, ana tilimizdiń, ataly sózimizdiń abyroiyn asqaqtatý, sóileý sheberligin damytý maqsatynda S.Demirel atyndaǵy ýniversitette (SDU University) stýdentter arasynda III Respýblikalyq «Dilmár» sheshendik óner baiqaýy ótedi, – dep habarlaidy Dalanews.kz.
Jan-jaqty damyǵan kóshbasshy tulǵa qalyptastyrý maqsatynda ótetin baiqaýǵa elimizdiń ár óńirindegi onnan astam joǵarǵy oqý orynan iriktelgen, sóz qadirin jete túsingen talantty stýdentter qatysyp, asyl sózdiń arnasyn baiytyp, tájiribe jinaidy.
Baiqaýdyń bas júldesi – 600 000 teńge, I orynǵa 400 000 teńge, II orynǵa 200 000 teńge, III orynǵa 100 000 teńgelik syiaqy qarastyrylǵan. Jalpy júlde qory 2 million teńgeni quraidy.
Demek, sheshendik ónerdi jastar arasynda jańǵyrtyp-jandandyrý jolynda buryndy-sońdy mundai qomaqty qarjylai syiaqy taǵaiyndalǵan kólemdi baiqaý ótken joq.
Baiqaýdyń jalǵyz ári bas demeýshi, «Atamura» korporatsiiasynyń prezidenti, ult janashyry, qoǵam qairatkeri Qul-Muhammed Raqymǵali Abraruly.
Babalardyń bai murasyn ulyqtaityn taǵylymy mol baiqaýdyń joba avtory – jýrnalist, Abai atyndaǵy respýblikalyq daryndy balalarǵa arnalǵan mektep-internatynyń «Sheshendik óner» pániniń muǵalimi, «Dilmar» respýblikalyq sheshendik ónerdi damytý klýbynyń negizin qalaýshy Jarqyn Sálenuly.
Baiqaýdyń maqsaty men mindeti: bilimgerge sóz óneriniń ereksheligi men júieli sóz saptaý sharttaryn meńgertý, saýatty ári jatyq sóileý daǵdysyn - sóileý mádenietin qalyptastyrý; sóz ónerimizdiń tarihi-mádeni jáne etnomádeni bolmysyn taný, sóz qundylyǵyn baǵalaý, ulttyq tárbie berý, sol arqyly ádebi til normasyna sáikes memlekettik tildi qoldanýdyń jańa deńgeiin qalyptastyrý.
4 kezeńnen turatyn jekpe-jek sheshendik saiys jáne jeke saýaldarǵa jaýap berýge negizdelgen bólim boiynsha ótetin sóz dodasyna qatysýshylar taqyrypty jerebe arqyly taldap, jerebe arqyly juptasady. Aldyn-ala daiyndalatyn mazmun usynylǵanymen naqty taqyryp tek saiys ústinde ǵana beriletindikten saiyskerdiń oi ushqyrlyǵy, tapqyrlyǵy, jan-jaqty bilimi, aqyl-parasaty, tájiribesi baiqaý kezinde sarapqa salynady. Sheshendiktiń sharttary osy ónerdiń túpnusqasyna meilinshe jaqyn bolǵandyqtan qyzyqty ári tartysty bolary daýsyz. Qazylar alqasy ár saiys sońynda jeke-jeke baǵa berip, pikir jáne usynys aitady. Demek, baiqaýdy saiys ári tájiribelik sabaq retindegi nátijeli qadam dep qabyldaýǵa bolady.
Baiqaýǵa oqý ornynyń basshylyǵy, oqytýshylar men stýdentter, ziialy qaýym men BAQ ókilderi, ataly sózdi ardaqtaityndar qatysady.
Uiymdastyrýshylar: SDU University men Respýblikalyq «Dilmar» sheshendik ónerdi damytý klýby
Bas demeýshi: «Atamura» korporatsiiasy
Ýaqyty: 22-shi qazan, 09:30
Orny: Qaskeleń qalasy, Abylai han kóshesi 1/1, SDU Life ǵimaraty, Blue Hall zaly
Bailanys telefony: 8705 666 88 90 (Jarqyn)
