"Sýjúrek. Satqyn". Nazarbaev sheteldegi oppozitsiia ókilderine qatysty pikir bildirdi
Týǵan kúnine orai ázirlengen “Shtrihi k portretý” derekti filminde bul jaitqa bólek toqtalǵan Nazarbaev “opasyzdardan” kóńili qalǵanyn jasyrmaidy.
“Satqyndardyń ómiri it qorlyqpen ótedi. Bulardyń syrty bútin bolǵanmen, ishi tútin. Qylyǵy qate ekenin sezingendikten, ótken kúngi áreketteri janyn jegidei jeidi. Bular memleketke, halyqqa qarsy shyqty. Myna elde tóńkeris bolǵanyn, memlekettiń shańyraǵyn shaiqalǵanyn qalaidy. Olardyń esil-derti osy. Sondyqtan elden aýasha ketkeni jón boldy. Alaida ońai qutylam dep oilamasyn…”, – dedi Nazarbaev sheteldegi oppozitsiia ókilderine qulaqqaǵys etip.
Onyń pikirinshe, syrtta otyryp, elde ereýilge shyǵýǵa azǵyratyndar naǵyz sýjúrekter. Elbasy álgindei áreketke úndeitinderdi elge shaqyryp otyr.
Sóz aýanyna qaraǵanda Nazarbaevtyń ókpe-nazy birinshi kezekte atyshýly Ábliazovqa baǵyttalǵan syndy.
“Datyń bolsa, elge kelip kelip ait. Batyr bolsań, talabyńdy elge kelip tyńdatqyz. Aýzyńnan atylǵan sóz men jasaǵan isińdi moinyńmen kóter. Aqsha urlaýǵa kelgende sheber, iske kelgende shorqaq!
Ózin oppozitsiia sanaityndardy bir jyldary bankir, ministr etip qatarǵa qosqan edim. Sonyń arqasynda shekesi shylqyp, shirigen baiǵa ainalyp shyǵa keldi. “Kúshik asyrap it ettim, ol baltyrymdy qanattynyń" keri boldy.
Halyqtyń aqshasyn shainamai jutyp, esirgen, elirgen shaqta "kóp asqanǵa, bir tosqan" boldy. Tekseris bastaldy. Sol-aq eken bul elden taiyp turdy. Shetelge ketkenniń eshbiri ońǵan joq. Qýǵyndaǵy ómirdiń qaibir qadiri bolsyn. Beisharalarǵa janym ashidy”, – dedi Nazarbaev.
