"MýzART" tobynyń ánshisi Sáken Maiǵaziev áleýmettik jelide halyqtan súiinshi surap, áriptesi Kenjebek Janábilovtiń Aqtaýǵa ushyp kelgenin habarlady, dep jazady dalanews.kz.
Buǵan deiin Kenjebek Janábilov júrek ustamasynan keiin aýrýhanaǵa túsken edi. Em qabyldaǵannan keiin onyń jaǵdaiy jaqsaryp, dárigerler ushaqpen saparǵa shyǵýyna ruqsat bergen.
"Súiinshi, qazaq eli. Dárigerler ruqsat berip, Kenjebek búgin Aqtaýǵa ushyp keldi. Birge bolamyz, Qudai qalasa", – dep jazdy Sáken Maiǵaziev.
Ánshiniń bul jańalyǵyna oqyrmandar da qýanyp, Kenjebek Janábilovke densaýlyq tiledi.
Jeli qoldanýshylary "MýzART" tobynyń aldaǵy ýaqytta tolyq quramda óner kórsetkenin qalaityndaryn jazyp, ánshige tezirek saýyǵyp ketýin tiledi.
