Torǵai óńirinde dúniege kelip, keiin sheteldik otbasynyń qolynda ósken Jánibek týǵan anasyn izdeýdi áli de jalǵastyryp jatyr, dep habarlaidy dalanews.kz.
Ol áleýmettik jelidegi paraqshasynda bul izdenis ózi úshin asa mańyzdy ári ońai emes protsess ekenin jazdy. Jánibektiń aitýynsha, týǵan anasyn tabý jolynda oǵan janashyr azamattar men zańgerler kómektesip keledi.
Sońǵy ýaqytta izdeýge úmit syilaityn jańa derekter de paida bolǵan. Degenmen Jánibek bul istiń qansha ýaqytqa sozylatynyn naqty bilmeitinin, biraq jaqsy jańalyqtan úmit úzbeitinin aitty.
"Sálemetsizder me, qadirli otbasym men dostarym. Sizdermen júrekjardy jańalyǵymdy bóliskim keledi. Qymbat Dosjan men Meiirman Shekeeva jáne basqa da janashyr adamdarmen birge anamdy izdeýdi jalǵastyryp jatyrmyz. Bul izdeý qansha ýaqytqa sozylatynyn bilmeimin. Múmkin uzaqqa sozylar, múmkin kútpegen jerden jaqyn arada jaqsy jańalyq bolar. Sońǵy ýaqytta bizge úmit syilaityn birneshe derek kezdesti. Men kún saiyn sizderdi de, anamdy da oilaimyn. Barshańyzǵa tek jaqsylyq tileimin", – dep jazdy Jánibek.
Onyń bul jazbasy jeli qoldanýshylaryn beijai qaldyrmady. Kópshilik Jánibekke týǵan anasyn tezirek tabýyn tilep, qoldaý bildirdi.
