Shyǵys Qazaqstan oblysynda 22 jastaǵy jigit súiiktisiniń ótinishin oryndamaq bolyp, qylmystyq jaýapkershilikke tartyldy, dep habarlaidy dalanews.kz.
Is materialdaryna sáikes, boijetken jigitten anasyna tiesili altyn alqany lombardqa ótkizip berýin suraǵan. Keiin zergerlik buiymnyń joǵalǵanyn baiqaǵan áiel quqyq qorǵaý organdaryna aryzdanǵan. Sonyń nátijesinde jigitke qatysty qylmystyq is qozǵaldy.
Sot onyń kinási dáleldendi dep tanyp, bir jyl merzimge bas bostandyǵyn shekteý jazasyn taǵaiyndady. Úkim zańdy kúshine engennen keiin ol eki ai boiy probatsiia qyzmetiniń esebinde bolǵan.
Alaida keiin raqymshylyq týraly zańnyń kúshine enýine bailanysty jigit jazadan bosatyldy.
Sottan shyqqan soń ol bul jaǵdai ómirine úlken sabaq bolǵanyn aityp, ókinishin jetkizdi.
"Súigen adamyma sheksiz sendim. Biraq sol senimniń saldarynan sottalýshy atandym. Sottylyq aldym, al súigen qyzym meni tastap ketti", - dedi ol.
