Búgin Meleket basshysy Qasym-Jomart Toqaev Aqordada sý tasqynymen kúreske belsene atsalysqan azamattardy saltanatty túrde marapattady, – dep habarlaidy Dalanews.kz.
Óz sózinde Prezident, eń aldymen, bul buryn eshqashan bolmaǵan eń joiqyn tabiǵi apat ekenin atap ótti. Qazaqstannyń 10 aimaǵynda tótenshe jaǵdai jariialandy. Jalpy, el kóleminde 19 myńnan astam turǵyn úidi sý basty.
– Syn saǵatta elimiz yrysty yntymaǵyn tanytty. Biz tabiǵi apat kezinde jurt bolyp jumyldyq. Birtutas el ekenimizdi kórsettik. Qutqarýshylar, áskeriler, ishki ister organdary men ákimdik qyzmetkerleri táýlik boiy jumys istedi. Olar Otan aldyndaǵy paryzyn minsiz atqardy. Bir sózben, antqa adal boldy, – dedi Memleket basshysy.
Memleket basshysy topan sýmen kúreske kúshtik qurylymdardyń 63 myńnan astam qyzmetkeri atsalysqanyna nazar aýdardy. Qutqarý operatsiiasy barysynda 120 myńnan astam adam, onyń ishinde 40 myń bala qaýipsiz jerge kóshirildi.
Sý tasqyny kezinde ekskavator júrgizip, qorǵan-bóget salýǵa belsene qatysqan Petr Markovtyń da eńbegi baǵalanyp, Prezident qolynan marapat aldy. Tájiribeli ekskavatorshy sý tasqyny kezinde Ǵabit Músirepov atyndaǵy aýdannyń Novoishimskoe aýylyndaǵy sý tasqynyna qarsy is-sharalarǵa belsene qatysyp, jasandy jaǵalaýlar salýǵa, inertti materialdy daiyndaýǵa jáne tieýge táýlik boiyna atsalysqan.
Osylaisha qiyn kezeńde Petr Markov ózin jaýapkershilikti jáne parasatty azamat retinde kórsetip, sý ótkizgish qurylystarda ainalma arnalardy jasaýǵa kómektesti.
Naqtyraq aitsaq, Petr Markov jeke sektordy jáne ómirlik mańyzy bar nysandardy sý basyp qalmaý úshin joǵary kásibi daǵdylaryn jan-jaqty paidalanyp, respýblikalyq mańyzy bar A-16 «Petropavl-Jezqazǵan» jol tósemin ashý jumystaryn júrgizgen.
