Premer-ministr Oljas Bektenovtiń tóraǵalyǵymen sý tasqynyna qarsy sharalardy úilestirý jáne qarǵyn sý júrý kezeńiniń saldaryn joiý jónindegi respýblikalyq shtabtyń otyrysy ótti, dep habarlaidy Dalanews.kz.
Ekologiia jáne tabiǵi resýrstar ministri Erlan Nysanbaev óńirlerdegi gidrometeorologiialyq jaǵdai týraly baiandady. «Tasqyn» júiesindegi sý tasqyny jaǵdaiyn modeldeý nátijeleri týraly tsifrlyq damý, innovatsiialar jáne aeroǵarysh ónerkásibi ministri Jaslan Mádiev, sý nysandarynyń jaǵdaiy týraly – sý resýrstary jáne irrigatsiia ministri Nurjan Nurjigitov, yqtimal sý tasqynyna qarsy jedel áreket etýge kúshter men quraldardyń daiyndyǵy týraly – tótenshe jaǵdailar ministri Shyńǵys Árinov baiandama jasady. Aqmola, Qostanai, Aqtóbe, Batys Qazaqstan, Atyraý oblystarynyń ákimderi óńirlerde eldi mekenderdi sý basýdyń aldyn alý boiynsha atqarylyp jatqan sharalar týraly baiandady.
13 naýryzdaǵy jaǵdai boiynsha elimizdiń qar basyp jatqan aýmaǵy 67%-dy quraidy. Ekologiia jáne tabiǵi resýrstar ministri Erlan Nysanbaev Qyzylorda, Túrkistan, Jambyl, Batys Qazaqstan, Atyraý jáne Mańǵystaý oblystarynda qazirdiń ózinde qar eri bastaǵanyn aitty. Bul rette elimizdiń soltústik-batysynda, soltústik-shyǵysynda jáne ortalyǵynda tońnyń qalyń bolýy baiqalyp otyr. Qostanai oblysynda 150 sm-ge deiin jáne odan da kóp, Aqmola oblysynda – 139 sm-ge deiin, Pavlodar oblysynda – 159 sm-ge deiin, Qaraǵandy oblysynda –132 sm-ge deiin toń bar. Boljamdarǵa sáikes, naýryz jáne sáýir ailary jyly bolady dep kútilýde, elimizdiń basym bóliginde jaýyn-shashyn mol bolady, bul sý tasqyny qaýpin arttyrady.
«Qazgidromet» biyl alǵash ret árbir óńir boiynsha sý shyǵynynyń eń joǵary deńgeiin, gidrologiialyq beketter boiynsha aǵyn kólemin kórsetetin jáne qaýipti aimaqtaǵy eldi mekenderdi anyqtai otyryp, egjei-tegjeili aqparat berdi. Kóktemgi sý tasqynyn týdyratyn faktorlarǵa júrgizilgen taldaý sý basý qaýpi bar aimaqtardy anyqtaýǵa múmkindik berdi. Tasqyn qaýpi joǵary aimaqqa Shyǵys Qazaqstan, Qaraǵandy, Aqmola, Soltústik Qazaqstan, Qostanai, Aqtóbe, Abai, Ulytaý oblystary; qaýip deńgeii ortasha aimaqqa – Almaty, Jetisý, Jambyl, Batys Qazaqstan jáne Atyraý oblystary jatady.
Sý basý qaýpin azaitý maqsatynda ýákiletti organdarǵa Aqmola, Batys Qazaqstan, Ulytaý, Qaraǵandy jáne Soltústik Qazaqstan oblystarynyń sý tasqyny qaýpi bar eldi mekenderin aralap, shuǵyl sharalar qabyldaý jóninde tapsyrmalar berdi.
