Qazaqstan sý qory jaǵynan kórshi memleketterge táýeldi. Uly ózenderdiń basy Qytai men Qyrǵyzstanda, Resei men Ózbekstanda. Sondyqtan da sý máselesi Qazaqstan úshin óte ózekti. Sý jańa qurylǵan sý ministrliginiń basshysy Nurjan Nurjigitov sý sharýashylyǵyna qatysty birqatar problemalardy atap aitty.
Sý resýrstary jáne irrigatsiia ministri Nurjan Nurjigitov búgin Úkimet otyrysynda «Sý salasy úshin kadrlar daiarlaý «Gidromelioratsiia», «Gidrotehnikalyq qurylys jáne sý resýrstaryn basqarý», «Sýmen jabdyqtaý jáne sý burý» (M.H.Dýlati atyndaǵy Taraz óńirlik ýniversiteti) jáne «Sý resýrstary jáne sý paidalaný» bilim berý baǵdarlamalarynyń toptary sheńberinde sý resýrstary jáne sý paidalaný bakalavrlary shyǵaratyn jeti joǵarǵy oqý oryndarynda júzege asyrylady.
Osy jyldan bastap ministrlik joǵarǵy oqý oryndary stýdentterdiń kásiptik praktikadan tikelei vedomstvolyq baǵynysty uiymdardaǵy óndiriste ótý múmkindigimen, odan ári jumysqa ornalasýmen yntymaqtastyq týraly memorandýmdar jasasýdy josparlap otyr.
Sondai-aq, biyl sý sharýashylyǵy uiymdarynyń 450-ge jýyq mamany mamandandyrylǵan ortalyqtar janynan biliktilikti arttyrý kýrsynan ótedi», - dedi vedomstvo basshysy.
Budan bólek sý salasy mamandarynyń biliktiligin arttyrý qaǵidalary ázirlengen. «Ministrliktiń janynan sý qoryn paidalaný jáne qorǵaý, sýmen jabdyqtaý, sý burý jáne irrigatsiia salasyndaǵy kásiptik biliktilikter jónindegi salalyq keńes quryldy.
Onyń erejesi jáne kásibi standarttardy ózektendirý boiynsha jumys jospary bekitildi. Jańartylǵan kásibi standarttar negizinde joǵarǵy oqý oryndarynyń sý salasy mamandarynyń kadrlaryn daiarlaýda bilim berý baǵdarlamalaryn jańartatyn bolady», - dep tolyqtyrdy.
Ministrdiń sózinen túsingenimiz, Qazaqstanda jas sý mamandary tapshy, al sý tapshylyǵy jyldan jylǵa aýqymdy problemaǵa ainalyp kele jatyr.
