Sý basqan oblystarǵa Ońtústikten kómek ketti
Osy jyldyń sáýir aiynda Qazaqstannyń 7 óńirinde, iaǵni, Qaraǵandy, Aqmola, Soltústik Qazaqstan, Qostanai, Pavlodar, Aqtóbe jáne Shyǵys Qazaqstan oblystaryndaǵy 52 eldi-meken kóktemgi sý tasqynynan zardap shekken bolatyn. Sonyń saldarynan eki myńǵa jýyq úi sý astynda qalyp, 120 tas joldy sý shaiyp ketken.
Osyǵan orai, elimizdegi barlyq óńirlerde kómek kórsetý oryndary ashylyp, buqara jurt jumyla birigip, demeý bolýda. OQO jastary osy mańyzdy missiiany qolǵa alyp, oblys turǵyndaryna úndeý jariialady. Osynyń negizinde arnaiy shtab ashylyp, az ýaqyt ishinde qol ushyn bergen azamattardan qajetti zattar men qarajattar qabyldandy. Oblystyq «Jastar resýrstyq ortalyǵy» KMM-niń janynan qurylǵan «Bizben birge» eriktiler mektebinen qurylǵan arnaiy shtabqa 200-ge jýyq azamattardan zattai jáne qarjylai gýmanitarlyq kómek qabyldandy.
Búgin jany jomart jandardan quny 15 mln. teńge bolatyn azyq-túlik, turmysqa qajetti zattar men kórpe tósek jáne 200 kilem tielgen júk kóligi jolǵa shyqty. Sondai-aq, igi iske M.Áýezov atyndaǵy OQMÝ stýdentteri de óz úlesterin qosty.
OQO ákiminiń baspasóz qyzmeti
