Forýmdy Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev ashyp, áielder qaýymyn kóktem merekesimen quttyqtady.
– Qazaqstan Respýblikasynyń Prezidenti Qasym-Jomart Toqaev: «Egemen elimizde áielder qaýymy úshin jańa múmkindikterge jol ashyldy. Qyz-kelinshekter elimizdiń qoǵamdyq-saiasi ómirine de belsene atsalysýda. Óskeleń urpaqqa ónegeli tálim-tárbie berý isinde áielder airyqsha ról atqarady» dep atap ótti. Sondai-aq «Áielder qaýymynyń jasampazdyq qasieti men kúsh-qýaty Jańa Qazaqstannyń damýyna septigin tigizedi» dep áiel-analarǵa zor jaýapkershilik júktedi. Memleket talantty, talapty áiel-analardyń damýyna jan-jaqty jaǵdai jasap keledi.Sondyqtan ǵylym jáne joǵary bilim salasyndaǵy áielderdiń qoǵamdaǵy rólin keńeitip, udaiy qoldaý kórsetýdi biz de jalǵastyra beremiz, – dedi óz sózinde ýniversitet rektory.
Sonymen qatar rektor áielderdiń qoǵamdaǵy airyqsha róline toqtalyp, Ál-Farabi atyndaǵy QazUÝ-dyń oqytýshy-professorlar quramynyń 68 paiyzyn áielder quraitynyn atap ótti. Onyń ishinde 347 ǵylym doktory, 572 kandidat, 1 QR UǴA akademigi bar. Biz ǵalym arýlarymyzdy maqtan tutamyz! Kelesi jyly ýniversitettiń 90 jyldyǵy atalyp ótedi. Qazirden bastap aitýly mereitoidy laiyqty qarsy alý úshin belsendi daiyndyq júrip jatyr», – dedi QazUÝ basshysy.
Óz sózinde qurmetti meiman forýmǵa qatysyp otyrǵanyna alǵys aityp, Rýmyniia Elshiligi mádeni-bilim berý salasyndaǵy seriktestikti odan ári arttyrýǵa nietti ekenin atap ótti. Rýmyniia Qazaqstannyń táýelsizdigin moiyndaǵan alǵashqy elderdiń biri. Eki el arasyndaǵy diplomatiialyq qarym-qatynas 1992 jyldyń shildesinen bastalǵan bolatyn.
– Biz Rýmyniia men Qazaqstan arasyndaǵy ekijaqty diplomatiialyq qatynastardyń 30 jyldyǵyn atap óttik. Ótken jyly pandemiiaǵa da qaramastan oflain formatta bailanystardy qalpyna keltirip, birqatar mańyzdy birlesken is-sharalar ótkizgenimizge qýanyshtymyz. Eki eldiń arasyndaǵy qatynasty damytý maqsatynda kóptegen sharalar uiymdastyryldy.
Máselen Astana qalasynda ótken saýda-ekonomikalyq jáne ǵylymi-tehnikalyq yntymaqtastyq jónindegi Qazaqstan-Rýmyn úkimetaralyq komissiiasynyń 16-shy otyrysy ótkizildi. Onyń aiasynda Rýmyniia Syrtqy ister ministrligi men Qazaqstan arasynda Konventsiiaǵa qol qoiyldy. Men Ál-Farabi atyndaǵy QazUÝ-da sizdermen birge merekeni atap ótip jatqanyma qýanyshtymyn. QazUÝ men Rýmyniia joǵary oqý oryndarymen yntymaqtastyq týraly kelisimderge qol qoiyldy. Aldaǵy ýaqytta seriktestikti odan ári damytýǵa daiynbyz, - dedi Elshi.
Shara aiasynda merekelik kontsert usynylyp, Stýdentter saraiynyń sahnasynda tanymal estrada juldyzdarymen qatar ýniversitettiń talantty stýdentteri men oqytýshylary óner kórsetti. Kontserttik baǵdarlama sońynda barlyq qatysýshylar, kóremendermen birge «Ana týraly jyr» ánin shyrqady.
Merekelik shara kórermenderge kóterińki kóńil kúi men erekshe áser syilady.
