Endi stýdentterdiń Huawei kompaniiasynda tálim alýyna, aqparatty-kommýnikatsiialyq tehnologiia salasynda sertifikattaýdan ótýine, arnaiy uiymdastyrylǵan bilim berý konkýrstaryna qatysýǵa jáne jumysqa ornalasýyna qolǵabys jasalady.
Sonymen qatar oqytýshylar Huawei ótkizetin bilim berý protsesi men biliktilikti arttyrý baǵdarlamalaryna qatysa alady.
– Aldaǵy úsh jylda Huawei Qazaqstandaǵy tsifrly bilim deńgeiin ilgeriletý úshin AKT akademiiasyn damytady. Elimizdiń jetekshi ýniversitetterinde yntymaqtastyq aiasynda 50-den astam Huawei akademiiasy qurylady dep kútilýde. Bul akademiialar búkil elimiz boiynsha 5000-ǵa jýyq stýdentti qamtidy dep josparlanýda. Oqytý nátijesi boiynsha stýdentterimiz halyqaralyq deńgeide moiyndalǵan Huawei sertifikatyn ala alady, – dep atap ótti ministr Saiasat Nurbek.
– Búgin qol qoiǵan memorandým bizdiń kompaniiaǵa QR Ǵylym jáne joǵarǵy bilim ministrliginiń úlken senim artyp otyrǵanynyń belgisi. Biz úshin bul úlken jaýapkershilik. Huawei Technologies Kazakhstan kompaniiasy 20 jyldan beri Qazaqstan naryǵynda tabysty jumys istep, osy ýaqyt aralyǵynda 14 Akademiia ashqanyn maqtanyshpen aita alamyn. Aldaǵy ýaqytta bizder stýdentterge tek qana Huawei kompaniiasynyń halyqaralyq sertifikatyn ǵana tabystap qoimaimyz, sonymen qatar jetekshi komapniialarǵa jumysqa turyp ketýi úshin is-tájiribeden ótýine de keńinen jol ashamyz, – dedi Chjao Siýi myrza.
Memorandým boiynsha aldaǵy ýaqytta stýdentte AKT salasynda bilim alyp, sertifikattaýdan óte alady. Budan basqa arnai bilim beretin konkýrstarǵa qatysyp, bolashaqta jumysqa turý múmkindigine de ie bolatynyn da aita ketýimiz kerek. Sonymen qatar oqytýshylar da bilim salasyna qatysty úrdister men Huawei kompaniiasy uiymdastyryǵan biliktilikti arttyrý baǵdarlamalaryna qatysýyna jol ashylatyn bolady.
- Qazaqstandaǵy joǵary oqý oryndarynda AKT salasyndaǵy Akademiialardy damtyý jáne masshtabyn arttyryp, Qazaqstandaǵy 500-den astam stýdentter aqparatty-kommýnikatsiialyq tehnologiia salasynda sapaly bilim alý múmkindigne ie bolady;
- Huawei Certified Academy nusqaýshylarynyń bilim berý baǵdarlamalaryn uiymdastyryp, AKT salasyndaǵy mamandardyń biliktiligin kóterýge jol ashý;
- Huawei komapniiasy arnaiy kýrstardyń aiaqtaǵan stýdentter úshin onlain-testtileý uiymdastyryp, Huawei komapniiasynyń halyqaralyq sertifikatyn alýǵa múmkindik týǵyzý;
- AKT salasyndaǵy talanttar ekojúiesin damytý úshin sertifikatqa ie bolǵan stýdentter arasynda jyl saiyn jumysqa turý jármeńkelerin uiymdastyrý;
- Bilim salasyn tsifrlandyrý, álemdik is-tájiribeni zerdelep jas kadrlardyń teoriialyq-tájiribelik daiyndyqtaryn jetildirýge basa mán beriletin bolady.
