Memleket basshysy Qasym-Jomart Toqaev QHR Shyńjań-Uiǵyr avtonomiialyq aýdany QKP partiia komiteti hatshysynyń orynbasary, ShUAA Halyq úkimetiniń tóraǵasy Erkin Týniiazdy qabyldady, - dep habarlaidy Dalanews.kz.
"Men jýyrda Úrimjige bardym. Jalpy Qazaqstannyń Qytaimen, sonyń ishinde Shyńjań provintsiiasymen aradaǵy yntymaqtastyǵyn damytý perspektivalaryna bailanysty mańyzdy kelissózder júrgizdik. Biz Qytaidyń ekonomikalyq ósimin jiti baqylap otyrmyz jáne bul baǵyttaǵy qarqyndy damýy men qol jetkizgen nátijelerine basa mán beremiz. Qytai – ekonomikalyq damý turǵysynan álemdegi basty elderdiń biri. Sondyqtan biz siiaqty kórshi memleketke yntymaqtastyqty ilgeriletý tiimdi ári qajet. Qazaqstanǵa keler bolsaq, osy yqpaldastyqty tabysty damytý úshin qoldan kelgenniń bárin jasaimyz, – dedi Prezident.
Memleket basshysy elimiz Shyńjańmen saýda, ónerkásip, kólik, logistika, aýyl sharýashylyǵy jáne týrizm siiaqty kóptegen sala boiynsha tabysty qarym-qatynas ornatqanyn málimdedi.
Qasym-Jomart Toqaevtyń aitýynsha, bul ólke Qazaqstannyń QHR-men san qyrly bailanysyn nyǵaitýda strategiialyq ról atqarady.
Erkin Týniiaz qonaqjailyq tanytqany úshin Qasym-Jomart Toqaevqa alǵys aitty.
"Úsh zulym kúshke" qarsy kúreske jáne osy aimaqtaǵy turaqtylyqty saqtaýǵa qosqan úlesińiz úshin sizge alǵys aitqym keledi. Qytai men Qazaqstan arasyndaǵy dostyqtyń tarihy tereńde jatyr. Tóraǵa Si Tszinpinniń strategiialyq basshylyǵymen jáne sizdiń qoldaýyńyzben "Bir beldeý, bir jol" bastamasy men "Nurly jol" ekonomikalyq damý baǵdarlamasy sátti ushtastyryldy. Eki el máńgilik ári jan-jaqty strategiialyq seriktestik ornatty.
Ótken jyly naýryz aiynda Shyńjań-Uiǵyr avtonomiialyq aýdany QKP partiia komitetiniń hatshysy Ma Sinjýi bastaǵan delegatsiia Qazaqstanǵa kelip, óte mańyzdy kelisimderge qol jetkizgenin erekshe atap ótken jón. Byltyr qazan aiynda siz Shyńjań-Uiǵyr avtonomiialyq aýdanyna saparmen keldińiz. Bul ózara yntymaqtastyǵymyzdy odan ári damytýǵa tyń serpin berdi, – dedi ShUAA Halyq úkimetiniń tóraǵasy.
Qasym-Jomart Toqaev Shyńjań Halyq úkimeti tóraǵasynyń Qazaqstanǵa sapary óńiraralyq kooperatsiia men shekara mańyndaǵy oblystardyń ózara yntymaqtastyǵyn odan ári damytýǵa yqpal etetinine senim bildirdi.
