2 mamyr kúni Stepnogorsk qalasyndaǵy “Mahabbat alleiasynda” oqys oqiǵa boldy. Velosiped teýip júrgen bastaýysh synyp oqýshysyn úsh birdei jasóspirim toqtatyp, soqqyǵa jyqqan. Oqiǵa kýágerleriniń aitýynsha, olar balany qorqytyp, telefonyn nemese velosipedin berýdi talap etken, dep habarlaidy dalanews.kz.
Bala qashyp ketpek bolǵanymen, jasóspirimder ony qýyp jetip, velosipedten qaǵyp túsirgen. Saldarynan ol bordiýrge basymen soǵylǵan.
Kelesi kúni dárigerler balany tekserip, aýyr jaraqat almaǵanyn jetkizgen. Degenmen onyń denesinde kógergen izderi bar, aiaq jáne bas aimaǵynda aýyrsyný baiqalǵan.
Jábirlenýshiniń anasy politsiiaǵa aryzdanǵan. Alaida onyń aitýynsha, bastapqyda kúdiktilerdiń jeke basyn anyqtaý múmkin bolmaǵan. Biraz ýaqyttan keiin jasóspirimder ózderi balanyń úiine kelgen. Ýchaskelik politsiia qyzmetkerimen áńgime barysynda olar oqiǵaǵa qatysy joq ekenin aitqan. Qoryqqan bala alǵashynda bul sózdi rastaǵanymen, keiinnen shyndyqty aityp, ózin soqqyǵa jyqqandar solar ekenin moiyndaǵan.
Anasy isti sońyna deiin jetkizý úshin prokýratýraǵa júginýge nietti.
