Áleýmettik jelide "búdjet qarajaty onsyz da tapshy kezde Petropavl ákimdigi qyrýar qarjyǵa qymbat úıler satyp alǵany" týraly aqparat paıda boldy, dep habarlaıdy Dalanews.kz.

Petropavl qalalyq ákimdigi jalpy quny 340 mıllıon teńge bolatyn eki jer úı satyp alǵany belgili boldy. Málimet boıynsha bul úıler keıin súrilip, olardyń ornyna balabaqsha salý josparlanǵan.

Memlekettik satyp alý portalynda jarıalanǵan aqparatqa qaraǵanda, eki úı de bir adamnyń menshiginde bolǵan. Árqaısy úshin ákimdik 170 mıllıon teńge tólegen.

Áleýmettik jelide satyp alynǵan úılerdiń vıdeosy jarıalandy. Rolıkte úıdiń burynǵy ıesi ǵımarat ishindegi múlikterdi, esik-terezelerdi alyp ketip jatqany aıtylady. Bul jaıt ta jeli qoldanýshylarynyń ashýyna tıgen.

Buǵan deıin úılerge qoıylǵan talaptar jarıalanǵan edi. Onda bir úıdiń aýmaǵy 217 sharshy metr, ekinshisiniń aýdany 226 sharshy metr bolýy kerek ekeni kórsetilgen. Sonda bir sharshy metrdiń quny 750-800 myń teńge aralyǵynda baǵalanǵan.

Jelidegi jurttyń pikirleriniń basym bóligi synǵa toly:

• "Bul úılerdiń mundaı aqsha turmaıtyny anyq"

• "Búdjette aqsha joq deıdi, al ony qalaı jumsap jatqany kórinip tur"

• "Muny mindetti túrde tekserý kerek"

• "340 mıllıonǵa 5-6 dál osyndaı úı salýǵa bolady ǵoı"

Qoǵam bul satyp alýdyń ashyqtyǵyna kúmán keltirip, túsindirýdi talap etip otyr. Al ákimdik ázirge jaǵdaıǵa qatysty tolyqqandy resmı túsinikteme bergen joq.