Soltústik Qazaqstan oblysy Qyzyljar aýdanyndaǵy Shahovskoe aýylynda qazdar qaitadan jappai qyryla bastady. Aýyl turǵyndarynyń aldyn ala esebi boiynsha, qazirdiń ózinde qustardyń úshten birine jýyǵy ólgen, dep habarlaidy dalanews.kz.
Halyqstan málimetinshe, aýrýǵa shaldyqqan qazdar jem jemei, álsirep, qaltyrai bastaidy. Keiin ishi ótip, jaǵdaiy kúrt nasharlaidy. Aýyl turǵyndary túrli dári qoldanyp kórgenimen, nátije bolmaǵan.
"Durys tamaq jemeidi. Bári búrisip, bir orynda turady. Ishi jasyl tústi bolyp ótedi, denesi qaltyraidy. Dári satyp alyp berdik, biraq kómektespedi. Qazdar birinen soń biri qulap ólip jatyr", – deidi qus ieleriniń biri.
Keibir turǵyndardyń qorasynda birneshe myńǵa deiin qaz bar. Sondyqtan aýrý qustardy saý qustardan bólek ustaý da qiyn. Onyń ústine, turǵyndardyń sózinshe, aýrý belgileri baiqalǵannan keiin qus bir táýliktiń ishinde ólip qalýy múmkin.
Veterinar mamandar ólgen jáne aýrý qustardan patologiialyq jáne biologiialyq synamalar alǵan. Zertteý nátijesinde qus tumaýy, Niýkasl aýrýy, pasterellez jáne salmonellez anyqtalmaǵan.
Qazdardyń naqty neden qyrylyp jatqany ázirge belgisiz. Qosymsha zertteý júrgizý úshin alynǵan materialdar Astanadaǵy Veterinariia boiynsha ulttyq referenttik ortalyqqa jiberildi.
