Jańa seh Aıyrtaý aýdanynyń ortalyǵy Saýmalkólde ornalasqan. Sút ónimderin óndirýge «Tezıs» seriktestigi 600 mln teńge ınvestısıa salǵanyn aıta ketýimiz kerek.
– Jańa kásiporyn jumsaq irimshiktiń 25 túrin shyǵarmaq. Bul mosarella, gaýda, sýlýgýnı. Jyldyq qýattylyǵy — 700 tonna daıyn ónim. Qazirdiń ózinde 15 jańa turaqty jumys orny ashyldy, ony 35-ke deıin kóbeıtý josparda bar, – dedi óńir basshysy Qumar Aqsaqalov seh jumysymen tanysqan sátinde.
Esterińizge sala keteıik, maýsym aıynda Petropavlda jylyna 2,5 myń tonna irimshik óndiretin «Eurasian milk» jańa sút zaýyty iske qosylǵan bolatyn. Osylaısha sońǵy ýaqyttary óńirde sút óńdeý salasy joǵary deńgeıge jetip otyr.
Derekkózderine nazar aýdaratyn bolsaq SQO jergilikti tutyný kólemimen salystyrǵanda un 59 ese, sút 22 ese, makaron 20 ese kartop 9 ese, suıyq maı 6 ese artyǵmen óndirilip, Soltústik Qazaqstan oblysy elimizdiń azyq-túlik qaýipsizdigin qamtamasyz etýge úlken úles qosyp otyrǵanyn atap aıtýǵa bolady.
SQO ákimniń orynbasary Marat Tasmaǵanbetov irimshik óndirisi boıynsha óńir úlken jetistikke qol jetkizgenin aıtqan bolatyn. «Tezıs» seriktestiginiń irimshik óndirisi iske qosylmaı turǵan sátte kórshi Reseı men Belorýs elinen jyl saıyn 280 tonna irimshik jetkizilip kelgen edi. Endi olardyń ornyn otandyq ónim almastyratyn bolady. Tipti, aldaǵy ýaqytta «Tezıs» seriktestigi óndirgen óniminiń jartysynan kóbin kórshi elder men irgeles oblystarǵa satatyn múmkindikke ıe bolyp otyr.
