Óńirde biraz sý kózderi bar. Jergilikti bilik oryndar sol sý resýrstaryn keńinen paidalanyp, balyq sharýashylyǵyn órkendetýdi kózdep otyr. Osy maqsatta Tabiǵi resýrstar jáne tabiǵatty paidalanýdy retteý basqarmasy qai jerge balyq sharýashylyǵyn damytýǵa bolatynyn anyqtaǵan.
Bul jobany Qoǵamdyq keńestiń kezekti basqosýynda basqarma basshysy Beibit Ismanov jurtshylyq nazaryna usyndy.
– Bizder oblys aýmaǵyndaǵy sý kózderin muqiiat tekserýge jergilikti biýdjetten 23 mln teńge bólgen bolatynbyz. Osy bólingen qarjyǵa ǵylymi-zertteý jumystary júrgizilip, óńirde balyq sharýashylyǵyn damytýǵa bolatyn 43 sý kózi anyqtadyq. Atalǵan sý kózderinde aldaǵy ýaqytta balyq ósirip, tabys tabýǵa bolady, – dedi Beibit Ismanov.
Basqarma basshysy júrgizilgen jumystar aldaǵy ýaqytta Soltsútik Qazaqstan oblysynda balyq sharýashylyǵyn damytyp, balyq ósiretin sý kózderiniń sanyn arttyra túsetinin alǵa tartty.
Mamandardyń zertteýi boiynsha SQO-da uzyn sany 500-ge jetetin balyq sharýashylyǵyn damytýǵa qolaily sý kózderi bar eken. Ótken jyly olardyń 200 paidalanylmaǵany anyqtalǵan.
Kúni keshe ǵana Úkimet basshysy Álihan Smailov sońǵy ýaqyttary elimizde tamaq ónerkásibi salasynda balyq sharýashylyǵy qarqyndy damyp jatqanyn alǵa tartqan-dy.
Qazirgi tańda elimizge syrttan jetkiziletin balyq eksporty tym joǵary ekeni jasyryn emes. Úkimet elimizdi balyq sharýashylyǵyn damytyp, balyq eksportyn tómendetýdi kózdeýde.
Qazirgi tańda balyq sharýashylyǵyn damytýǵa ańsary aýǵan sharýalarǵa memleket barynsha qoldaý kórsetýde. Aitalyq, balyq ósirý úshin sý kózderin jobalaý isi barynsha jeńildetilgenin jáne salyqtyq jeńildikter de qarastyrylǵanyn aita ketýimiz kerek.
Soltsútik Qazaqstan oblysy Úkimettiń bul baǵyttaǵy jumystaryna birinshi bolyp ún qatyp, óńirder balyq sharýashylyǵyn damytýǵa bas kóńil bólip otyr.
