Amerikalyq ǵarysh kompaniiasy SpaceX óz aktsiialaryn alǵash ret qor naryǵyna shyǵarýǵa daiyndalyp jatyr. Reuters agenttiginiń málimetinshe, kompaniia IPO (aktsiialardy bastapqy jariia ornalastyrý) arqyly shamamen 75 milliard dollar investitsiia tartýdy josparlap otyr, dep habarlaidy dalanews.kz.
Aldyn ala málimet boiynsha, bir aktsiianyń baǵasy 135 dollar bolýy múmkin. Eger jospar júzege assa, kompaniianyń jalpy naryqtyq quny 1,75 trillion dollarǵa jetedi.
Eger SpaceX kózdegen qarajatty tarta alsa, bul keiingi jyldardaǵy eń iri investitsiialyq mámilelerdiń biri bolady.
Tartylǵan qarjynyń bir bóligi spýtniktik internet qyzmetin damytýǵa, jasandy intellekt jobalaryn qarjylandyrýǵa jáne jańa tehnologiialyq bastamalardy iske asyrýǵa jumsalmaq.
Aita keteiik, SpaceX kompaniiasynyń negizin qalaǵan Ilon Mask buǵan deiin kompaniiany uzaq ýaqyt boiy jabyq formatta ustap kelgen edi. Endi onyń qor naryǵyna shyǵýy álemdik investorlardyń qyzyǵýshylyǵyn týdyryp otyr
