Sozaqta as tuzyn óńdeitin zaýyt jumys isteýde
Teriskeidiń indýstrialdy aimaǵynda «Darhan-As» ÓK-nde «Iodtalǵan as tuzyn shyǵaratyn zaýyt» jumys isteidi. 2016 jyldyń qarasha aiynda iske qosylǵan zaýytta búgingi deiin 1000 tonna ónim óndirilip, óńirimiz ben kórshi oblystarǵa jiberilýde. Mundai málimetpen BAQ ókilderi Ońtústik Qazaqstan oblysy ákimi baspasóz qyzmeti uiymdastyrǵan Sozaq aýdanyndaǵy press-týr kezinde qanyqty.
Jergilikti 14 turǵyndy jumyspen qamtyǵan zaýyt jylyna 9-10 myń tonnaǵa deiin tuzdy óndirip, oblystyń tuzǵa degen 100 myń tonnalyq suranysynyń 10 paiyzyn qamtamasyz etýge qaýqarly.
Tuz óńdeý tsehiniń basshysy Murat Saparovtyń aitýynsha, zaýyt tolyqtai avtomattandyrylǵan, bir túimemen basqarylady. Saǵatyna 5 tonnaǵa deiin óńdelgen as tuzyn shyǵaratyn nysan jumysshylary shikizatty aýdannyń Tasty aýyl okrýgindegi «Baqyt tańy» tuz keninen alady. «Biznestiń jol kartasy 2020» baǵdarlamasy aiasynda 6 paiyzben 70 mln. teńge nesie alǵan óndiristik kooperativ basshylyǵy búginge deiin qaryzynyń 30 paiyzyn jaýyp úlgergen. Tsehta 1, 5 jáne 10 kelilik as tuzdary qaptalyp, býylady.
OQO ákiminiń baspasóz qyzmeti
