Tıisti ájethanalar Jartytóbe aýyldyq okrýgine qarasty Jartytóbe, Aqqoltyq, Babata eldi-mekenderiniń Sh. Ýálıhanov, Q. Kemeluly jáne M. Mámetova atyndaǵy jalpy orta mektepterinde ornalasqan.
Atalǵan ispen aınalysqan «Eko Atameken» qoǵamdyq birlestiginiń tóraıymy Gúlnár Nıazova osylaısha oqýshylarǵa jasalǵan jaǵdaıǵa jergilikti halyq, onyń ishinde muǵalimder men ata-analar qaýymy rızalyǵyn bildirip jatqanyn aıtady.
«2010 jyly mektepter jańartylyp, paıdalanýǵa berilgenimen, oqýshylarǵa arnalǵan ájethanalar qoldanýǵa jaramsyz kúıde tapsyrylǵan. 2019 jyly bilim jáne ǵylym mınıstri bilim berý mekemelerindegi syrtqy ájethanalardy joıyp, mektep ǵımaratynyń ishinen salýdy nuqsaǵany aıan. Ókinishke oraı, búdjettegi qarajattyń tapshylyǵyna baılanysty tapsyrma oryndalmady», - dep máseleniń mánin tarqatady ol.
Sarapshynyń sózinshe, kúni búginge deıin elimizdiń kóptegen shalǵaı eldi-mekenderinde oqýshylar men mektep qyzmetkerleri daladaǵy ájethanalarǵa barýǵa májbúr.
Eshqandaı sanıtarlyq normalarǵa saı kelmeıtin olardyń óskeleń urpaqtyń densaýlyǵy men qaýipsizdigine teris áserin tıgizetini anyq (ásirese qys mezgilinde qyz balalardyń).
Joǵaryda atalǵan áleýmettik joba bıyl «Samuryq-Qazyna» AQ kompanıalar toby atynan «Samruk-Kazyna Trust» korporatıvtik qorynyń qoldaýymen júzege asyp otyr.
