Sotalǵan vainerler Meiirjan Tórebaev pen Meiirhan Sherniiazov jumysqa ornalasty, - dep habarlaidy Dalanews.kz.
Olar qazir sot úkimine sáikes, qaýipsizdigi tómen mekemede jazasyn ótep jatyr. Olarǵa jumys ýaqytynda koloniiadan shyǵýǵa ruqsat etilgen.
"Sottalǵandar Almatydaǵy uiymdarda mekeme ákimshiligi men jumys berýshi arasyndaǵy kelisimshart negizinde jumysqa ornalastyryldy. Qaýipsizdigi tómen mekemelerde sottalǵandar kún tártibi aiasynda jumysqa shyǵyp, koloniiaǵa qaita oralady. Mekeme ákimshiligi olardyń kelip-ketýi barysynda zań talaptaryn saqtaý jáne ony buzýdyń saldary týraly profilaktikalyq áńgimeler júrgizip turady", - dedi QR IIM Qylmystyq-atqarý júiesi komiteti ókilderi.
Sondai-aq, qaýipsizdigi tómen mekemelerde qarapaiym jaǵdaida jazasyn ótep jatqan sottalǵandar jataqhanalarda turatyny belgili boldy.
"Olarǵa mekeme aýmaǵynda aiyna bir qysqamerzimdi jáne bir uzaqmerzimdi kezdesý ótkizýge ruqsat etiledi", - dep tolyqtyrdy QAJK.
Tórebaev pen Sherniiazov Mudarabah Capital qarjylyq piramidasy isi boiynsha sottalǵan bolatyn. 2023 jyly 23 maýsymda vainerlerden bólek qarjylyq piramidasyna qatysy bar taǵy birneshe adamǵa sot úkimi shyqty.
Aiyptalýshy - 12 adam. Onyń ishinde tanymal vainerler Meiirjan Tórebaev pen Meiirhan Sherniiazov bar. Tórebaev pen Sherniiazovtan basqa sottalýshylardyń barlyǵy derlik Qylmystyq kodekstiń 262-baby boiynsha ("Uiymdasqan top, qylmystyq uiym qurý jáne olarǵa basshylyq etý, sol siiaqty olarǵa qatysý") kináli dep tanyldy.
Vainerler tek 217-bap (Qarjylyq (investitsiialyq) piramidany qurý jáne oǵan basshylyq etý) boiynsha kináli dep tanyldy. Sot úkimimen kúdiktilerge bas bostandyǵynan aiyrýdyń túrli merzimderi taǵaiyndaldy.
Sot úkimi boiynsha Meiirhan Sherniiazov bir bap boiynsha kináli dep tanylyp, 5 jylǵa, Meiirjan Tórebaev ta tek bir bap boiynsha kináli dep tanylyp, 5 jylǵa sottaldy.
